قىتاي اسكەري جاتتىعۋلارعا روبوتتاردى پايدالانىپ كوردى

استانا. KAZINFORM - قىتاي حالىق ازاتتىق ارمياسى ۇشقىشسىز اپپاراتتار مەن جەردەگى جاۋىنگەرلىك روبوتتاردىڭ قاتىسۋىمەن تاكتيكالىق وقۋ-جاتتىعۋلار وتكىزدى، دەپ حابارلايدى China News Service.

مەملەكەتتىك اقپارات اگەنتتىگىنىڭ حابارلاۋىنشا، شىلدەنىڭ 13 ءى كۇنى PLA 76-توبىنىڭ ەكى بولىمشەسى يميتاتسيالانعان جاۋ پوزيتسيالارىنا شابۋىلداۋ ارەكەتتەرىن ورىندادى. مانيەۆرلەرگە كاميكادزە ۇشقىشسىز ۇشاقتار مەن «جاۋىنگەر قاسقىر» ۇلگىسىندەگى روبوتتار قاتىستى.

وقۋ-جاتتىعۋلار ۇرىس جاعدايىندا جەكە قۇرام مەن ۇشقىشسىز جۇيەلەردىڭ ءوزارا ءىس-قيمىلىن جاتتىقتىرۋعا باعىتتالعان. باستى نازار شابۋىل وپەراتسياسى اياسىنداعى بارلاۋ، ءدال انىقتاۋ، ءورتتى جابۋ، قورعانىستى سەرپىلتۋ جانە باسقا دا تاكتيكالىق ارەكەتتەر سياقتى ەلەمەنتتەرگە اۋدارىلدى.

وتكەن جىلدىڭ قازان ايىندا «شينحۋا» اگەنتتىگى ا ق ش تاياۋ شىعىسقا «جالعىز قاسقىر» دەپ اتالاتىن قارۋلى روبوت-ءيتىن جىبەرىپ، وسىلايشا مۇنداي تەحنولوگيالاردى ناقتى شايقاستا قولدانۋ پەرسپەكتيۆاسىن جاقىنداتقانىن حابارلادى.

بۇعان دەيىن قىتايدا روبوتتار فۋتبول تۋرنيرىنە قاتىسقانىن جازعان بولاتىنبىز.