قىتاي التىن قورىن سوڭعى ءۇش جىلداعى رەكوردتىق قارقىنمەن ۇلعايتتى

بۇل سوڭعى ءۇش جىلداعى ءبىر اي ىشىندەگى ەڭ جوعارى ءوسىم بولدى، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى.

قىتاي ورتالىق بانكىنىڭ التىن قورى قىركۇيەك ايىنىڭ سوڭىندا 77,47 ميلليون تروي ۋنتسياعا جەتتى. بۇل تۋرالى رەتتەۋشى ورگاننىڭ دەرەكتەرىندە كورسەتىلگەن.

قىتايدىڭ ورتالىق بانكى باعالى مەتالدى ساتىپ الۋ قارقىنىن قاتارىنان ءۇشىنشى اي ۇدەتىپ وتىر. شىلدە ايىندا التىن قورى 640 مىڭ ۋنتسياعا، ال تامىزدا تاعى 650 مىڭ ۋنتسياعا ءوستى.

سونىمەن قاتار قىتايدىڭ التىن قورىنىڭ دوللارمەن ەسەپتەگەندەگى قۇنى ءبىر ايدا %7,6 عا تومەندەپ، تامىز ايىنىڭ سوڭىنداعى 350,08 ميلليارد دوللاردان 323,52 ميلليارد دوللارعا ءتۇستى. التىننىڭ فيزيكالىق كولەمى وسكەن كەزدە ونىڭ قۇنىنىڭ تومەندەۋى الەمدىك التىن باعاسىنىڭ وزگەرۋى مەن اكتيۆتەردى قايتا باعالاۋعا بايلانىستى.

قاڭتار ايىنىڭ سوڭىنان بەرى قىتاي حالىق بانكىنىڭ التىن قورى 3,28 ميلليون ۋنتسياعا (شامامەن 102 توننا) ۇلعايدى. بۇل فيزيكالىق كولەمنىڭ %4,4 عا وسكەنىن كورسەتەدى.

بۇعان دەيىن قىتايدا 8 مىڭ مەترلىك ۇڭعىمانى بۇرعىلاۋ اياقتالعانى تۋرالى جازعان ەدىك.