قىتاي ا ق ش تاريفتەرىنە بايلانىستى دۇنيەجۇزىلىك ساۋدا ۇيىمىندا تەرگەۋ باستادى

استانا. KAZINFORM - قىتاي ا ق ش- تىڭ «ءوزارا تاريفتەرىنە» بايلانىستى دۇنيەجۇزىلىك ساۋدا ۇيىمىندا تەرگەۋ باستادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

- قىتاي 5-ساۋىردەن باستاپ بارلىق ساۋدا سەرىكتەستەرىنىڭ يمپورتىنا قوسىمشا  باج سالىعىن، سونداي-اق 9-ساۋىردەن باستاپ قىتاي تاۋارلارىنا بولەك 4 باج سالىعىن ەنگىزۋدى كوزدەيتىن شارالارعا قاتىستى ا ق ش- پەن داۋلى ماسەلەلەر بويىنشا د س ۇ كونسۋلتاتسيالارىن جۇرگىزۋگە ءوتىنىم جىبەردى، - دەلىنگەن دۇنيەجۇزىلىك ساۋدا ۇيىمىنىڭ سەيسەنبى كۇنى كەشكە جاريالاعان كومميۋنيكەدە.

بەيجىڭ بۇل شارالار ا ق ش- تىڭ 1994-جىلعى تاريفتەر مەن ساۋدا جونىندەگى باس كەلىسىمنىڭ بىرنەشە ەرەجەلەرى بويىنشا قابىلداعان مىندەتتەمەلەرىنە قايشى كەلەدى، سونداي-اق كەدەندىك باعالاۋ تۋرالى كەلىسىم جانە سۋبسيديالار مەن وتەماقى شارالارى تۋرالى كەلىسىمدى بۇزادى دەپ سانايدى.

كونسۋلتاتسيالارعا سۇرانىس د س ۇ- داعى داۋلاردى شەشۋ مەحانيزمىن رەسمي تۇردە ىسكە قوسادى. كونسۋلتاتسيالار تاراپتارعا جاعدايدى تالقىلاۋعا جانە ءىس جۇرگىزۋدىڭ كەلەسى، نەعۇرلىم فورمالدى كەزەڭىنە وتپەي-اق، ءوزارا قولايلى شەشىمگە قول جەتكىزۋگە تىرىسۋعا مۇمكىندىك بەرەدى. ەگەر داۋ 60 كۇن ىشىندە شەشىلمەسە، تالاپكەر شەشىم قابىلداۋ ءۇشىن تورەلىك القا قۇرۋدى تالاپ ەتۋگە قۇقىلى.

بۇعان دەيىن ا ق ش پرەزيدەنتى دونالد ترامپ سىرتقى ساۋدا-ەكونوميكالىق تاجىريبە ۇلتتىق توتەنشە جاعداي تۋدىرعانىن مالىمدەپ، اقش ەكونوميكاسى مەن امەريكالىق جۇمىسشىلاردى قورعاۋ ءۇشىن جاۋاپ تاريفتەرىن ەنگىزۋ تۋرالى جارلىق شىعاردى.

ەلىمىزدىڭ ساۋدا مينيسترلىگى ترامپتىڭ جاڭا باج سالىعىنا قاتىستى مالىمدەمە جاسادى.