قىتاي ا ق ش كومپانيالارىنا قاتىستى ەكسپورتتىق باقىلاۋدى توقتاتتى

استانا. KAZINFORM - قىتاي ا ق ش- تىڭ 28 فيرماسىنا قاتىستى ەكسپورتتىق باقىلاۋىن 90 كۇنگە جانە سەنىمسىز سۋبەكتىلەر تىزىمىنە ەنگىزىلگەن تاعى 17 امەريكالىق كومپانياعا قاتىستى ارەكەتتى توقتاتتى.

بۇل تۋرالى ق ح ر ساۋدا مينيسترلىگىنىڭ مالىمدەمەسىندە ايتىلعان، دەپ حابارلايدى Kazinform مەنشىكتى ءتىلشىسى.

ۆەدومستۆودا اتاپ وتىلگەندەي، جەنيەۆادا (شۆەيتساريا) ق ح ر مەن ا ق ش اراسىنداعى جوعارى دەڭگەيدەگى ساۋدا-ەكونوميكالىق كەلىسسوزدە قول جەتكىزىلگەن كونسەنسۋستى جۇزەگە اسىرۋ ءۇشىن 2025-جىلدىڭ 14-مامىرىنان باستاپ جوعارىدا اتالعان شارالاردى 90 كۇنگە توقتاتۋ تۋرالى شەشىم قابىلدانعان.

ەسكە سالايىق، 4 جانە 9-ساۋىردە قىتايدىڭ ساۋدا مينيسترلىگى بارلىعى 28 امەريكالىق ۇيىمدى ەكسپورتتىق باقىلاۋ تىزىمىنە قوسىپ، ولارعا قوس ماقساتتاعى تاۋارلاردى ەكسپورتتاۋعا تىيىم سالدى، سونداي-اق تاعى 17 امەريكالىق كاسىپورىندى سەنىمسىز سۋبەكتىلەر تىزىمىنە ەنگىزدى.

بۇعان دەيىن ا ق ش پەن قىتاي شۆەيتسارياداعى كەلىسسوزدەر ناتيجەسىندە ساۋدا سوعىسى اياسىندا ءبىر-بىرىنە قارسى ەنگىزگەن ەكسپورتتىق باج سالىعىن 90 كۇنگە تومەندەتۋ تۋرالى كەلىسىمگە كەلگەنىن حابارلاعان بولاتىنبىز.