قىتايدىڭ بۇكىل قىتايلىق ونەركاسىپشىلەر جانە ساۋداگەرلەر فەدەراتسياسى (بوسف) قىتايدىڭ سولتۇستىگىندەگى تيانجيڭ قالاسىندا جاريالاعان رەيتينگتە العاشقى ءۇش ورىندى
JD.com, Alibaba (China) Co., Ltd. және Hengli Group Co., Ltd.
كومپانيالارى يەلەندى.
بۇل ەلدەگى ءىرى جەكەمەنشىك كاسىپورىندار اراسىندا جۇرگىزگەن 28-زەرتتەۋى. بيىل زەرتتەۋگە 2025 -جىلدىڭ قورىتىندىسى بويىنشا ءارقايسىسىنىڭ وپەراتسيالىق كىرىسى 1 ميلليارد يۋاننان اساتىن 6350 كاسىپورىن قاتىستى. اتالعان رەيتينگ ولاردىڭ وپەراتسيالىق كىرىسى تۋرالى دەرەكتەر نەگىزىندە جاسالدى.
زەرتتەۋ ناتيجەسى كورسەتكەندەي، 2025 -جىلى قىتايدىڭ جەكەمەنشىك كاسىپورىندارى يننوۆاتسيالىق الەۋەتىن، وپەراتسيالىق تيىمدىلىگىن جانە نەگىزگى باسەكەگە قابىلەتتىلىگىن ارتتىرۋدى جالعاستىرعان. وسىلايشا، سەكتوردىڭ جاڭا ءارى ساپالى دامۋ باعىتىنا بەت العانى بايقالادى.
2025 -جىلدىڭ قورىتىندىسى بويىنشا قىتايداعى 500 ءىرى جەكەمەنشىك كاسىپورىننىڭ جيىنتىق وپەراتسيالىق كىرىسى 44,93 تريلليون يۋانعا جەتىپ، ءبىر جىل بۇرىنعى كورسەتكىشتەن 4,35 پايىزعا ءوستى. ولاردىڭ جيىنتىق تازا پايداسى 1,83 تريلليون يۋان بولدى. ونىڭ ىشىندە 17 كاسىپورىننىڭ ءارقايسىسى 20 ميلليارد يۋاننان استام تازا پايدا تاپقان.
رەيتينگكە ەنگەن وڭدەۋ ونەركاسىبى كاسىپورىندارىنىڭ وتكەن جىلعى جيىنتىق وپەراتسيالىق كىرىسى 32,22 تريلليون يۋاندى قۇرادى. بۇل 2024 -جىلمەن سالىستىرعاندا 8,73 پايىزعا جوعارى.
ەلدەگى 500 ءىرى جەكەمەنشىك كاسىپورىن ستراتەگيالىق ماڭىزى بار جاڭا سالالار مەن بولاشاق يندۋستريالارعا بەلسەندى تۇردە ينۆەستيتسيا سالىپ جاتىر. ءتيىستى دەرەكتەردى ۇسىنعان كومپانيالاردىڭ ىشىندە 311 كاسىپورىن ستراتەگيالىق ماڭىزى بار جاڭا سالالارداعى 679 جوبانى ىسكە اسىرۋعا قارجى بولگەن. ال 82 كاسىپورىن بولاشاق يندۋستريالارعا قاتىستى 112 جوبانى ىسكە قوسقان.
يننوۆاتسيا سالاسىندا دا ءىرى كاسىپورىنداردىڭ بەلسەندىلىگى جوعارى. ءتيىستى مالىمەتتەردى ۇسىنعان 500 كومپانيانىڭ عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا جۇمساعان جالپى شىعىنى 1,26 تريلليون يۋاندى قۇرادى.
سونىمەن قاتار ەلدەگى 500 ءىرى جەكەمەنشىك كاسىپورىننىڭ وتكەن جىلى تولەگەن سالىقتارىنىڭ جالپى كولەمى 1,3 تريلليون يۋاندى قۇرادى.