ق ح ر ۇلتتىق ەنەرگەتيكا باسقارماسى مەن دامۋ جانە رەفورمالار ءىسى جونىندەگى مەملەكەتتىك كوميتەت بىرلەسە دايىنداعان قۇجات ەلدىڭ 2026-2030-جىلدارعا ارنالعان وتىن-ەنەرگەتيكالىق كەشەنىن دامىتۋدىڭ نەگىزگى باعىتتارىن ايقىندايدى.
شيكىزاتتى تاسىمالداۋ كولەمى جىلدان-جىلعا ارتىپ كەلە جاتىر، سول ءۇشىن بەيجىڭ تاعى دا 20 مىڭ شاقىرىم ماگيستارلدىق مۇناي-گاز قۇبىرلارىن سالۋدى كوزدەپ وتىر. وسىلايشا، قازىرگى ونجىلدىق مەجەنىڭ سوڭىنا قاراي ۇلتتىق قۇبىر جەلىسىنىڭ جالپى ۇزىندىعى 220 مىڭ شاقىرىمعا جەتپەك.
- مۇناي مەن گاز - ونەركاسىپتىك شيكىزات پەن ەنەرگيانىڭ نەگىزگى كوزى، ال ولاردى جەتكىزۋ ەنەرگەتيكالىق قاۋىپسىزدىكپەن، ۇلتتىق ەكونوميكانىڭ جانە ق ح ر حالقىنىڭ ءال-اۋقاتىنىڭ دامۋىمەن تىعىز بايلانىستى، - دەلىنگەن قۇجاتتا.
جوسپار بويىنشا، سۇيىتىلعان تابيعي گاز تەرمينالىنىڭ سىيىمدىلىعىن جىلىنا 200 ميلليون تونناعا دەيىن، ال قۇرلىقپەن وتەتىن قۇبىرلار ارقىلى گازدى يمپورتتاۋ كولەمىن جىلىنا 114 ميلليارد تەكشە مەترگە دەيىن جەتكىزۋ قاراستىرىلىپ وتىر.
مۇناي-گاز ءوندىرۋ نەگىزىنەن وردوس، بوحاي، سىچۋان، تاريم، سۋنلياو، جوڭعار جانە تسايدام مۇناي-گاز باسسەيندەرىندەگى ستراتەگيالىق وندىرىستىك بازالاردا جۇرمەك.
بۇعان دەيىن قىتايداعى كومىرسۋتەك ءونىمىنىڭ جيىنتىق كولەمى 2025-جىلى تاريحي 420 ميلليون توننا مۇناي ەكۆيۆالەنتىنە جەتكەنى حابارلانعان بولاتىن.
22:30, 19 تامىز 2026
قىتاي 2030-جىلعا قاراي مۇناي مەن گاز ءوندىرىسىن 440 ميلليون تونناعا جەتكىزۋدى كوزدەپ وتىر
استانا. KAZINFORM - قىتاي مۇناي مەن گاز سالاسىن دامىتۋدىڭ جاڭا بەسجىلدىق جوسپارى اياسىندا 2030-جىلعا قاراي جالپى ءوندىرىس كولەمىن 440 ميلليون تونناعا جەتكىزۋدى جوسپارلاپ وتىر، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى Xinhua-عا سىلتەمە جاساپ.