2010 -جىلدان بەرى العاش رەت جاڭارتىلعان زاڭ ەلدىڭ اسكەري رەزەرۆىن جاساقتاۋ جۇيەسىن وزگەرتتى. ەندى اسكەري ەسەپ دەرەكتەرى تۇراقتى جاڭارتىلىپ، قاجەت بولعان جاعدايدا ازاماتتىق سالاداعى ماماندار دا اسكەري رەزەرۆكە تارتىلادى. وسىلايشا، بۇرىنعى «رەزەرۆيستەر» جۇيەسىنىڭ ورنىنا رەزەرۆتى تۇراقتى قالىپتاستىرىپ، قاجەت كەزدە تولىقتىرىپ وتىراتىن جاڭا ءتارتىپ ورنىقتى.
قىتايدا العاش رەت بولاشاعى زور باعىتتارداعى موبيليزاتسيالىق كۇشتەردى دامىتۋ زاڭمەن بەكىتىلىپ، وزىق تەحنولوگيالار مەن يننوۆاتسيالىق ازىرلەمەلەردى قورعانىس سالاسىنا ەنگىزۋ كوزدەلگەن.
سونىمەن قاتار كاسىبي-تەحنيكالىق مامانداردى دايارلاۋ جانە ەسەپكە الۋ ءتارتىبى جاڭارتىلادى. بۇدان بىلاي مامانداردى تەك اكىمشىلىك-اۋماقتىق قاعيدات بويىنشا ەمەس، سالالىق جانە وندىرىستىك جۇيەلەر نەگىزىندە ەسەپكە الۋ قاراستىرىلعان. بۇل ستراتەگيالىق رەزەرۆتى قاجەتتى ماماندارمەن تولىقتىرادى جانە ءتيىستى رەسۋرستاردى جەدەل جۇمىلدىرۋعا مۇمكىندىك بەرەتىن تەتىكتەردى قالىپتاستىرادى.
جاڭارتىلعان زاڭ ازاماتتار مەن ۇيىمداردىڭ قۇقىقتارىن قورعاۋعا دا باسىمدىق بەرەدى. موبيليزاتسيا كەزىندە ارنايى شارالاردى قولدانۋدا قاجەتتىلىك پەن تەپە-تەڭدىك قاعيداتى بەلگىلەنىپ، الىنعان نەمەسە پايدالانىلعان رەسۋرستار ءۇشىن ءادىل وتەماقى تولەۋ كەپىلدىگى قاراستىرىلعان.
زاڭ جوباسىن ازىرلەۋشىلەردىڭ پىكىرىنشە، وزگەرىستەر ۇلتتىق قورعانىس جۇيەسىن جاڭعىرتىپ، قولدانىستاعى زاڭنامانى زاماناۋي تەحنولوگيالىق تالاپتارعا بەيىمدەۋگە جانە ۇلتتىق قاۋىپسىزدىكتى قامتاماسىز ەتۋ تەتىكتەرىن جەتىلدىرۋگە باعىتتالعان.
بۇعان دەيىن قىتايدىڭ 2026 -جىلى قورعانىس شىعىندارىن 7 پايىزعا ارتتىراتىنى حابارلانعان بولاتىن.