قىسقى وليمپيادانىڭ اشىلۋ سالتاناتىندا ەلىمىزدىڭ بايراعىن قوس سپورتشى كوتەرىپ شىقتى
استانا. KAZINFORM - وڭتۇستىك كورەيانىڭ كانۆون قالاسىندا الاۋى تۇتانعان IV قىسقى جاس وسپىرىمدەر وليمپياداسىنىڭ رەسمي اشىلۋ سالتاناتىنىڭ «مەملەكەتتەر شەرۋى» كەزىندە قازاقستاننىڭ تۋىن كريستينا شۋمەكوۆا مەن ەراسىل شىڭعىسحان ۇستاپ شىقتى.
18 جاستاعى شۋمەكوۆا - كونكيمەن جۇگىرۋ سپورتىنان قر سپورت شەبەرى، ەل بىرىنشىلىگىنىڭ جەڭىمپازى، 2023-جىلعى الەم كۋبوگىنىڭ كۇمىس جۇلدەگەرى. ال، ەكىنشى تۋ ۇستاۋشى ەراسىل شىڭعىسحان - شورت-ترەكتەن سپورت شەبەرىنە كانديدات، قازاقستان رەسپۋبليكاسىنىڭ چەمپيونى، سونداي-اق «ازيا بالالارى» 2023 حالىقارالىق جارىسىنىڭ كۇمىس جۇلدەگەرى.
بۇعان دەيىن حابارلاعانىمىزداي، «مەملەكەتتەر شەرۋى» كەزىندە قازاقستاننىڭ بايراعىن پەتروپاۆلدىق كونكيمەن جۇگىرۋ سپورتىنىڭ وكىلى كريستينا شۋمەكوۆا مەن ورالدىق شورت- ترەكشى ەراسىل شىڭعىسحان ۇستاپ شىعاتىنى تۋرالى جازعان بولاتىنبىز.
ەستەرىڭىزگە سالا كەتەيىك، سپورتتىق دودانىڭ سالتاناتتى اشىلۋ ءراسىمى كاننىن قالاسىنداعى «Gangneuung Oval» سپورت كەشەنىندە ءوتىپ جاتىر. سونداي-اق IV قىسقى جاس وسپىرىمدەر وليمپياداسىنىڭ اشىلۋ سالتاناتى باستالعانىن جازعان بولاتىنبىز.
اۆتوركۇنسۇلتان وتارباي