قىسقى بۋراباي تەڭدەسسىز اسەم تابيعاتىمەن كوز تارتادى
«قازاقستاننىڭ شۆەيتسارياسى» - بۋرابايدىڭ تۇمسا تابيعاتىن تاماشالاپ، ساف اۋاسىن جۇتقان ەل بۇل جەردى وسىلاي اتايدى.
شۋاقتى جازدا دا، قىتىمىر قىستا دا بۇل كوزتارتار مەكەنگە كەلەتىن تۋريستەردىڭ قاراسى ءبىر ۇزىلمەيدى. اقمولا وبلىسىنداعى تۋريستىك ماۋسىم رەسمي تۇردە جازدىڭ اياقتالۋىمەن جابىلادى. الايدا، بۇل قىستا تولىق تىنىشتىق ورنايدى دەگەندى بىلدىرمەيدى. بۋراباي قىستا دا كوركەم. قار جامىلعان سۇلۋ ولكەنىڭ كەرەمەتىن سوزبەن ايتىپ جەتكىزۋ مۇمكىن ەمەس.
Kazinform قىسقى بۋراباي كورىنىسىنەن فوتورەپورتاج ۇسىنادى.
كوپتەگەن تۋريستەر شۋچە-بۋراباي كۋرورتتىق ايماعىنا جىلدىڭ ءدال وسى ۋاقىتىندا تابيعاتتىڭ قىسقى سۇلۋلىعىنان ءلاززات الۋ جانە سۋىق مەزگىلدە قاراعايدىڭ سەرگىتەتىن اۋاسىمەن تىنىس الۋ ءۇشىن كەلەدى.
بۋراباي تابيعاتى كوز تارتار سۇلۋلىعىمەن قاتار اۋاسىنىڭ تازالىعىمەن تارتىمدى.
بيىك تاۋلار، كوگىلدىر كولدەر، قاراعاي مەن قايىڭ اعاشتارى ولكەنىڭ ءسانىن كىرگىزەدى.
بۇدان بۇرىن بۋراباي كۋرورتىندا قىسقى ماۋسىم اشىلعانىن جازعان ەدىك.