استانا. KAZINFORM - قىرىمدا ان-26 اسكەري ۇشاعى اپاتقا ۇشىرادى. اپاتقا دەيىن بايلانىس ۇزىلگەن ۇشاق جارعا قۇلاعان، دەپ حابارلايدى ت ا س س.
وقيعا 31-ناۋرىز كۇنى ماسكەۋ ۋاقىتى بويىنشا شامامەن ساعات 18:00-دە تۇبەك ۇستىمەن جوسپارلى ۇشۋ كەزىندە بولعان.
رەسەي قورعانىس مينيسترلىگى مالىمەتىنشە، ىزدەستىرۋ-قۇتقارۋ توبى اپات ورنىن تاۋىپ، بورتتاعى بارلىق ادامداردىڭ قازا تاپقانىن راستادى. ۇشاقتا التى ەكيپاج مۇشەسى جانە 23 جولاۋشى بولعان.
الدىن الا اقپارات بويىنشا، اپات تەحنيكالىق اقاۋ سالدارىنان بولعان، ۇشاققا سىرتقى اسەر ەتكەن فاكتورلار تىركەلمەگەن. وقيعا ورنىندا اسكەري ۆەدومستۆونىڭ كوميسسياسى جۇمىس ىستەپ جاتىر.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан