ق ر ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ حابارلاۋىنشا، بىلتىرعى توعىز ايدا پلاتفورمادا 978 مىڭ بوس جۇمىس ورنى تىركەلگەن.
2026-جىلدىڭ قاڭتار-قىركۇيەك ايلارىندا پلاتفورمادا اي سايىن ورتا ەسەپپەن 120 مىڭعا جۋىق جۇمىسقا ورنالاسۋ مۇمكىندىگى ۇسىنىلعان.
- جۇمىس بەرۋشىلەردىڭ بەلسەندىلىگى اسىرەسە قىركۇيەك ايىندا ارتتى. وسى ايدا 254 مىڭ بوس جۇمىس ورنى جاريالانىپ، توعىز ايداعى جالپى كورسەتكىشتىڭ 23,2 پايىزىن قۇرادى. قىركۇيەكتەگى كورسەتكىش تامىز ايىمەن سالىستىرعاندا ەكى ەسەگە جۋىق ءوستى. بوس جۇمىس ورىندارىنىڭ سانى بارلىق سالادا ارتقان. اسىرەسە ساۋدا، قۇرىلىس، وڭدەۋ ونەركاسىبى جانە كولىك سالالارىندا ءوسىم بايقالدى، - دەلىنگەن حابارلامادا.
2026-جىلدىڭ توعىز ايىندا جاريالانعان بوس جۇمىس ورىندارىنىڭ 26,3 پايىزى ءبىلىم بەرۋ سالاسىنا تيەسىلى بولدى. ودان كەيىن باسقا قىزمەت تۇرلەرى - 13 پايىز، دەنساۋلىق ساقتاۋ جانە حالىققا الەۋمەتتىك قىزمەت كورسەتۋ - 8,5 پايىز، وڭدەۋ ونەركاسىبى - 7,2 پايىز جانە مەملەكەتتىك باسقارۋ - 6,8 پايىز كورسەتكىشپەن تۇر.
وڭىرلەر بويىنشا بوس جۇمىس ورىندارىنىڭ ەڭ كوپ ۇلەسى استانا قالاسىندا تىركەلدى - 8,7 پايىز. الماتى قالاسىنىڭ ۇلەسى - 8,4 پايىز، قاراعاندى وبلىسىندا - 6,8 پايىز، تۇركىستان وبلىسىندا - 6,7 پايىز، ال پاۆلودار وبلىسىندا 6,3 پايىز بولدى.
قاي ماماندىق يەسى قانشا جالاقى الاتىنى تۋرالى مىنا ماتەريالدان وقىڭىزدار.