بىشكەك. KAZINFORM - قىرعىزستاننىڭ پەرۆوماي اۋداندىق سوتى بۇرىنعى پرەزيدەنت المازبەك اتامبايەۆتى قىلمىستىق توپ سەركەسى ازيز باتۋكايەۆتى قاماۋدان زاڭسىز بوساتۋ ءىسى بويىنشا سىرتتاي كىنالى دەپ تانىدى، دەپ جازادى ت ا س س.
الايدا ءىستىڭ مەرزىمى ءوتىپ كەتكەنىنە بايلانىستى وعان جازا تاعايىندالمادى. بۇل تۋرالى ەكس-مەملەكەت باسشىسىنىڭ ادۆوكاتى سەرگەي سلەساريەۆ حابارلادى.
- ازيز باتۋكايەۆ ءىسى بويىنشا ۇكىم شىقتى. المازبەك اتامبايەۆ كىنالى دەپ تانىلدى، ءبىراق ءىستىڭ ەسكىرۋىنە بايلانىستى جازا تاعايىندالعان جوق، - دەدى ول.
ايتا كەتەيىك، بۇعان دەيىن قىرعىزستاننىڭ بۇرىنعى پرەزيدەنتى المازبەك اتامبايەۆ 11 جىلعا سوتتالۋى مۇمكىن ەكەنىن جازعان ەدىك.
سونداي-اق قىرعىزستاندا جاپپاي تارتىپسىزدىك ۇيىمداستىرۋعا دايىندالىپ جاتقان توپ ۇستالدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.