بىشكەك. KAZINFORM - قىرعىزستاننىڭ ەڭبەك، الەۋمەتتىك قامتاماسىز ەتۋ جانە كوشى-قون مينيسترلىگىنىڭ رەسەيدەگى وكىلدىگى قىرعىزستاندىقتاردى لاڭكەستىك ارەكەتتەرگە قاتىسۋ ءۇشىن الەۋمەتتىك جەلىلەر ارقىلى ءتۇرلى ارانداتۋشىلىقتارعا بوي الدىرماۋعا شاقىردى.
ۆەدومستۆونىڭ مالىمەتىنشە، رەسەيدە تۇراتىن قىرعىز ازاماتتارىن الەۋمەتتىك جەلىلەر مەن Telegram سياقتى تانىمال مەسسەندجەرلەر ارقىلى لاڭكەستىك ارەكەتتەرگە قاتىسۋعا تارتىپ جاتىر.
قىرعىزستان رەسپۋبليكاسى ەڭبەك مينيسترلىگىنىڭ وكىلدىگى رەسەيدە تۇراتىن نەمەسە ۋاقىتشا جۇرگەن قىرعىزستاندىقتاردى ءتۇرلى ارانداتۋشىلىقتارعا بوي الدىرماۋعا، الەۋمەتتىك جەلى ارقىلى جۇمىسقا ورنالاسپاۋعا، ءتۇرلى ءىس-شارالارعا قاتىسپاۋعا، سونداي-اق بالالاردى باقىلاۋعا ۇندەدى.
ۆەدومستۆو لاڭكەستىك ارەكەتكە قاتىسقان ازاماتتار رەسەي فەدەراتسياسىنىڭ قىلمىستىق زاڭناماسى بويىنشا ءومىر بويىنا باس بوستاندىعىنان ايىرۋعا دەيىن جازالاناتىنىن ەسكە سالدى.
اۆتور
زارينا تۋعانبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан