استانا. KAZINFORM - قىرعىزستان رەسپۋبليكاسىنان كەلگەن گۋمانيتارلىق كومەكتى توتەنشە جاعدايلار مينيسترلىگىنىڭ وكىلدەرى كۇتىپ الدى. بۇل تۋرالى توتەنشە جاعدايلار مينيسترلىگى ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاش ءمالىم ەتتى.
«8-ساۋىردە اقتوبە وبلىسىنا قىرعىزستان رەسپۋبليكاسىنان گۋمانيتارلىق كومەك كەلدى. ونى توتەنشە جاعدايلار مينيسترلىگىنىڭ وكىلدەرى كۇتىپ الدى. ۆيتسە- مينيستر سەرىك تولەنبەرگەنوۆ پەن قىرعىزستان رەسپۋبليكاسىنىڭ توتەنشە جاعدايلار ءمينيسترىنىڭ ورىنباسارى ۋرماتبەك شامىركانوۆپەن كەزدەستى»، - دەدى ەراسىل سايپاش ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ەسكە سالا كەتسەك، سۋ تاسقىنىنىڭ زاردابىنا بايلانىستى قىرعىزستان قازاقستانعا 300 توننا گۋمانيتارلىق كومەك جىبەرگەن ەدى.
مەملەكەت باسشىسى باۋىرلاس قىرعىزستان حالقىنا گۋمانيتارلىق كومەگى ءۇشىن العىس ايتتى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан