قىرعىزستاندىق كوكپارشىلار موڭعوليا قۇراما كومانداسىن ويسىراتا ۇتتى

استانا. KAZINFORM - استانادا ءوتىپ جاتقان V دۇنيەجۇزىلىك كوشپەندىلەر ويىندارىندا قىرعىزستاندىق كوكپارشىلار موڭعوليا قۇراما كومانداسىن 16:0 ەسەبىمەن ويسىراتا ۇتتى، دەپ حابارلايدى Kazinform ءتىلشىسى.

بۇدان كەيىن كوكپار الاڭىنا ماجارستان مەن تۇركيا كومانداسىنىڭ ويىنشىلارى شىقتى. ناتيجەسىندە 1:0 ەسەبىمەن تۇركيالىق كوكپارشىلار كەلەسى اينالىمعا ءوتتى.

ايتا كەتەيىك، ق ر كوكپار قۇراما كومانداسىنىڭ كاپيتانى تۇرعانبەك قۇرمانبەك قىرعىزستاندىق كوكپارشىلار ءبىزدىڭ ويىشىلاردىڭ باستى قارسىلاسى ەكەنىن ايتقان بولاتىن. دۇنيەجۇزىلىك كوشپەندىلەر ويىندارىنا باق سىناۋعا كەلگەن كوكپارشىلار «قازانات» يپپودرومىندا ىرىكتەۋ جارىستارىن وتكىزىپ جاتىر.

بۇعان دەيىن، قازاقستاندىق شاباندوزدار 16:0 ەسەبىمەن وزبەكستان قۇراما كومانداسىن ۇتقان ەدى.

كوكپاردان 9 مەملەكەتتىڭ سپورتشىلارى ءوزارا مىقتىنى انىقتايدى. بۇل سپورت تۇرىنەن بارلىعى 104 سپورتشى قاتىسادى.

كوكپاردان باق سىنايتىن قۇرامالار: قازاقستان، ا ق ش، رەسەي، وزبەكستان، قىرعىزستان، ۆەنگريا، قىتاي، موڭعوليا جانە تۇركيا.

اۆتور

ريزابەك نۇسىپبەك ۇلى