قىرعىزستاندا قار كوشكىنى باسىپ قالعان التى ادامنىڭ ءمايىتى تابىلدى

استانا. قازاقپارات – 19-قازان كۇنى تاڭەرتەڭ قۇتقارۋشىلار ىزدەستىرۋ شارالارىنىڭ ناتيجەسىندە ءىز-ءتۇزسىز جوعالعان قالعان 3 ادامنىڭ دەنەسىن تاپتى. بۇل تۋرالى قىرعىز رەسپۋبليكاسى توتەنشە جاعدايلار مينيسترلىگىنىڭ باسپا ءسوز ورتالىعى حابار تاراتتى، دەپ جازادى كابار.

قىرعىزستان توتەنشە جاعدايلار مينيسترلىگىنىڭ قۇتقارۋشىلارى كەشەدەن بەرى جالال-اباد وبلىسى چاتقال اۋدانى اق-ساي ماڭىنداعى قار كوشكىنى كەزىندە جوعالىپ كەتكەن التى ازاماتتى ىزدەستىردى.

3 ادامنىڭ ءمايىتى 18-قازان كۇنى تابىلىپ، تىكۇشاقپەن قۇمبەل اۋدانىنداعى شتابقا جەتكىزىلدى. قۇتقارۋشىلار ولاردىڭ دەنەسىن پوليتسيا قىزمەتكەرلەرى مەن تۋىستارىنا تاپسىردى.

ەستەرىڭىزگە سالا كەتەيىك، 9-قازان كۇنى قانىش-قيا اۋىلىنىڭ 14 تۇرعىنى مەن ءبىر شەتەلدىك تاۋعا سيرەك كەزدەسەتىن وسىمدىكتىڭ تامىرىن ىزدەپ شىعىپ، جوعالىپ كەتكەن بولاتىن. جەدەل ىزدەستىرۋ شارالارىنىڭ ناتيجەسىندە 16-قازاندا سەگىز ازامات امان-ەسەن تابىلدى، التاۋى قار كوشكىنى استىندا قالىپ، مەرت بولدى.

وسىعان دەيىن قىرعىزستاندا قايتىس بولعاندارعا تاس جانە ءمارماردان ەسكەرتكىش قويىپ، تاقتاتاس ورناتۋعا تىيىم سالىناتىنى تۋرالى جازدىق.