قىرعىزستاندا مەملەكەتتىك كەدەن قىزمەتى باسشىسىنىڭ بۇرىنعى ورىنباسارى رايىمبەك ماترايموۆقا ىزدەۋ جاريالاندى، دەپ حابارلايدى Kazinform كابار اگەنتتىگىنە سىلتەمە جاساپ.
بۇرىنعى شەنەۋنىككە قىرعىز رەسپۋبليكاسى قىلمىستىق كودەكسىنىڭ 169-بابىنىڭ 2.3-تارماعى «زاڭسىز باس بوستاندىعىنان ايىرۋ» بويىنشا ايىپ تاعىلعان بولاتىن.
بۇعان دەيىن قىرعىزستاندا كامچى كولبايەۆ پەن رايىمبەك ماترايموۆپەن جاسىرىن بايلانىستا بولعان ءتۇرلى دارەجەدەگى 226 دان استام مەملەكەتتىك قىزمەتكەر اشكەرەلەنىپ، ونىڭ 180 نەن استامى قىزمەتىنەن شەتتەتىلگەنى حابارلانعان ەدى.
ودان كەيىن 50 كەدەن قىزمەتكەرى كامشى كولبايەۆپەن بايلانىسى ءۇشىن جۇمىستان شىعارىلدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.