قىرعىزستان سۋداندا اتىپ تۇسىرىلگەن جۇك ۇشاعىنا قاتىستى جاعدايعا تۇسىنىك بەردى
استانا. KAZINFORM - سۋداندا اتىپ تۇسىرىلگەن جۇك ۇشاعىنىڭ قىرعىزستانعا قاتىسى جوق. بۇل تۋرالى قىرعىزستاننىڭ «ماناس» حالىقارالىق اۋەجايىنىڭ باسپا ءسوز قىزمەتى حابارلادى.
باسپا ءسوز قىزمەتىنىڭ اقپاراتىنا سايكەس، سۋدانداعى ۇشاق اپاتى كەزىندە تابىلعان «ماناس» حالىقارالىق اۋەجايى» ا ا ق قۇجاتى (تارحەتكا) «ماناس» اۋەجايىنىڭ قىزمەتكەرى بولماعان «Airline Transport Incorporation FZC» كومپانياسىنىڭ قىزمەتكەرى، رەسەي فەدەراتسياسىنىڭ ازاماتى ۆيكتور گرانوۆقا تيەسىلى. اتالعان تۇلعا 2024 -جىلدىڭ مامىر ايىندا «ماناس» اۋەجايىنان وش حالىقارالىق اۋەجايىنا ا ن-12 ۇشاعىن ۇشىرىپ جەتكىزۋ ءۇشىن شاقىرىلعان. الايدا ونىڭ جۇمىسباستىلىعىنا بايلانىستى ۇشىرۋ جۇرگىزىلگەن جوق.
«م ح ءا» ا ا ق مۇنداي تارحەتكالاردى ءوز قىزمەتكەرلەرىنە عانا ەمەس، سونداي-اق اۋەجايمەن جاساسقان كەلىسىم نەگىزىندە ىنتىماقتاساتىن بارلىق كومپانيالارعا بەرەتىنى اتاپ ءوتىلدى. بۇل ادامداردىڭ وزدەرىنىڭ جۇمىستاعى مىندەتتەرىن ورىنداۋ ءۇشىن اۋەجاي تەرمينالى مەن پەررونعا كەدەرگىسىز ءوتۋى ءۇشىن جاسالعان.
«بورتتىق ءنومىرى EX 76011 قۇلاعان ۇشاق «ريم ستايل» كومپانياسىنا تيەسىلى بولدى. 2024 -جىلى بۇل ۇشاق مىسىرلىق «New Way Cargo Airlines ST- JLN» كومپانياسىنا ساتىلدى جانە ونىڭ وشتا تىركەلگەن «Airline Transport Incorporation FZC» كومپانياسىنا قاتىسى جوق»، - دەپ حابارلادى بىشكەك اۋەجايىنان.
بۇعان دەيىن ب ا ق-تا سۋداندا قىرعىزستانمەن بايلانىسى بار جۇك ۇشاعىنىڭ اپاتقا ۇشىراعانى تۋرالى اقپارات تاراعان بولاتىن.
اۆتور
ەركەجان سماعۇلوۆا