استانا. KAZINFORM - «ورتالىق ازيا - يتاليا» سامميتىنە قاتىسۋ ءۇشىن قىرعىز رەسپۋبليكاسىنىڭ پرەزيدەنتى سادىر جاپاروۆ قازاقستانعا كەلدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
وتكەن جىلى قازاقستان مەن قىرعىزستان اراسىنداعى تاۋار اينالىمى $1,7 ميللياردتان اسقان بولاتىن.
ءبىرىنشى توقساننىڭ قورىتىندىسىنا سايكەس، ءوزارا ساۋدا- ساتتىق وتكەن جىلمەن سالىستىرعاندا %25 عا ارتىپ، 435 ميلليون دوللار بولدى. قازاقستان تاۋارلارى ەكسپورتى %32,7 عا ءوستى.
بۇگىندە ەكى ەل ۇكىمەتتەرى الدىنا ءوزارا تاۋار اينالىمىن $3 ميللياردقا دەيىن جەتكىزۋ مىندەتى قويىلدى.
ايتا كەتەلىك تۇرىكمەنستان پرەزيدەنتى سەردار بەردىمۇحامەدوۆ «ورتالىق ازيا - يتاليا» سامميتىنە قاتىسۋ ءۇشىن استاناعا كەلگەن ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.