قىرعىزستان پرەزيدەنتى قىتاي- قىرعىزستان- وزبەكستان تەمىر جول جوباسىنا قاتىستى ۇندەۋ جاسادى

بىشكەك. KAZINFORM - بەيسەنبى كۇنى قىرعىزستان پرەزيدەنتى سادىر جاپاروۆ بەيجىڭدە وتكەن قىتاي، قىرعىزستان جانە وزبەكستان ۇكىمەتتەرى اراسىنداعى «قىتاي- قىرعىزستان- وزبەكستان» تەمىر جول جوباسىن بىرلەسىپ جۇزەگە اسىرۋداعى ىنتىماقتاستىق تۋرالى كەلىسىمگە قول قويۋ راسىمىنە قاتىسۋشىلارعا بەينە ۇندەۋ جولدادى.

پرەزيدەنتتىڭ باسپا ءسوز قىزمەتىنىڭ حابارلاۋىنشا، قىرعىزستان باسشىسى سالتاناتتى ءىس-شاراعا قاتىسۋشىلاردى وسى تاريحي وقيعامەن قۇتتىقتاپ، كوپتەن كۇتكەن تەمىرجول قۇرىلىسىنىڭ باستالۋىن اتاپ ءوتتى.

اتالمىش جوبا «بەلدەۋ جانە جول» باستاماسىنىڭ ماڭىزدى ەلەمەنتىنە اينالاتىنىن اتاپ ءوتتى.

«تەمىر جول قىتاي مەن ورتالىق ازيا ەلدەرىن بايلانىستىرىپ، ودان ءارى ەۋروپا مەن پارسى شىعاناعى ەلدەرىنە جاڭا كولىك باعىتتارىن اشاتىنى سونداي- اق ساۋدا- ەكونوميكالىق ىنتىماقتاستىققا جان- جاقتى وڭ اسەر ەتەتىنى ءبىزدى قۋانتادى»، - دەدى سادىر جاپاروۆ.

قىرعىزستان پرەزيدەنتى 2023 -جىلدىڭ مامىر ايىندا قىتايعا مەملەكەتتىك ساپارى بارىسىندا ق ح ر ءتوراعاسى شي جينپيڭمەن كەزدەسۋىندە بۇل تەمىرجول قۇرىلىسىن تەزىرەك باستاۋ قاجەتتىگى تۋرالى تۇبەگەيلى تۇسىنىستىككە قول جەتكىزىلگەنىن ەسكە سالدى.

«كەزدەسۋ ناتيجەلەرى ماڭىزدى بولدى، بۇل بىزگە وسى جوبانى جۇزەگە اسىرۋدى ايتارلىقتاي ىلگەرىلەتۋگە مۇمكىندىك بەردى»، - دەدى قىرعىزستان باسشىسى.

س. جاپاروۆ ءۇش تاراپتىڭ بىرلەسكەن كۇش-جىگەرىنىڭ ارقاسىندا جوبانىڭ تولىققاندى تەحنيكالىق-ەكونوميكالىق نەگىزدەمەسىن ازىرلەۋ 2023 -جىلدىڭ ورتاسىنا دەيىن اياقتالعانىن، كەيىن ونى قۇرۋ ارقىلى ونى جۇزەگە اسىرۋ مەحانيزمى جەتىلدىرىلگەنىن قوستى. ءۇش ەلدىڭ مەملەكەتتىك تەمىر جول كومپانيالارىنىڭ بىرلەسكەن جوباسى ەكەنىن اتاپ ءوتتى.

«بۇل جوبا قىرعىزستان، قىتاي جانە وزبەكستان اراسىنداعى جاڭا داۋىردەگى جان-جاقتى ستراتەگيالىق سەرىكتەستىك اياسىنداعى ىنتىماقتاستىقتىڭ سيمۆولىنا اينالادى. ەۋرازيا كەڭىستىگىندە وسى ماڭىزدى كونتينەنتتىك كوپىردىڭ قۇرىلۋى حالىققا ايتارلىقتاي پايدا اكەلەدى»، - دەپ پرەزيدەنت باسا ايتتى.

اۆتور
باقىتگۇل اباي قىزى