قىرعىزستانداعى پرەزيدەنت سايلاۋىنا قانشا قاراجات جۇمسالادى

بۇل تۋرالى Kazinform اگەنتتىگىنىڭ بىشكەكتەگى مەنشىكتى ءتىلشىسى حابارلايدى.

ورتالىق سايلاۋ كوميسسياسىنىڭ دەرەگىنشە، پرەزيدەنت سايلاۋىنا بارلىعى 1,2 ميلليارد سوم (شامامەن 6,06 ميلليارد تەڭگە) جۇمسالماق. ونىڭ 646 ميلليون 560 مىڭ سومى (3 ميلليارد 265 ميلليون تەڭگەدەن استام) 2026-جىلعا، ال 553 ميلليون 440 مىڭ سومى (2 ميلليارد 796 ميلليون تەڭگەدەن استام) 2027-جىلعا بولىنگەن.

بۇل قاراجاتتىڭ ىشىندە قايتا داۋىس بەرۋگە تۋرا كەلگەن جاعدايدا 240 ميلليون سوم (1,21 ميلليارد تەڭگەدەن استام) شىعىن ەنگىزىلگەن. ال شەتەلدە جۇرگەن قىرعىزستان ازاماتتارىنىڭ سايلاۋ قۇقىعىن قامتاماسىز ەتۋگە 53,2 ميلليون سوم (286 ميلليون 697 مىڭ تەڭگە) ءبولىندى.

سايلاۋدى وتكىزۋگە جۇمسالاتىن شىعىندارعا سايلاۋ پروتسەسىن ۇيىمداستىرۋ، اقپاراتتىق جانە تەحنيكالىق قولداۋ كورسەتۋ، سونداي-اق قاجەتتى قۇرال-جابدىقتارمەن قامتاماسىز ەتۋ كىرەدى.

ەسكە سالا كەتەيىك، قىرعىزستانداعى كەزەكتى پرەزيدەنت سايلاۋى 2027-جىلعى 27-قاڭتارعا بەلگىلەندى.

بۇعان دەيىن قىرعىزستان پرەزيدەنتى سادىر جاپاروۆتىڭ ەكىنشى مەرزىمگە سايلاۋعا ءتۇسۋ نيەتى بار ەكەنى حابارلانعان بولاتىن.