قىرعىز رەسپۋبليكاسى پرەزيدەنتىنىڭ ءىس باسقارماسى جوبانىڭ ەسكيزدەرىن تانىستىرىپ، قۇرىلىستى قولعا الاتىن ەۋروپالىق كومپانيا وكىلدەرىمەن كەزدەستى.
ۆەدومستۆونىڭ مالىمەتىنشە، كوپىردىڭ ۇزىندىعى 732 مەتر بولادى.
كوپىر قۇرىلىسىن 2026-جىلعى قاراشادا باستاپ، 2027-جىلدىڭ سوڭىندا اياقتاۋ جوسپارلانعان. نىسان وسى مەرزىمدە تۋريستەر ءۇشىن اشىلادى. سونداي-اق ونى گيننەستىڭ رەكوردتار كىتابىنا ەنگىزۋ كوزدەلىپ وتىر.
جاڭا نىسان ءىرى تۋريستىك باعىتتىڭ ءبىر بولىگىنە اينالادى. ونىڭ ماڭىنان تەپشي ۇستىرتىنەن تەكە-توو تاۋى مەن جەرگىلىكتى سارقىراماعا دەيىن باراتىن ەكولوگيالىق سوقپاق سالۋ جوسپارلانعان. بۇدان بولەك، «الا-ارچا» پاركىندە اسپالى جول ىسكە قوسىلىپ، دەمالىس ۇيلەرى بوي كوتەرگەن. قازىر بەس جۇلدىزدى قوناق ءۇيدىڭ قۇرىلىسى اياقتالۋعا جاقىن.
بۇعان دەيىن قىرعىزستاندا العاش رەت اسپالى جول اشىلعانى حابارلانعان بولاتىن.