قىرعىزستاندا ۇيىمداسقان قىلمىستىق توپتىڭ بەلسەندى مۇشەسى جانە ەلدەگى جالال-اباد وبلىسىنىڭ اقسى اۋدانىن «باقىلاۋشى» كامچى كولبايەۆ كاسىپكەرلەردەن جۇيەلى تۇردە اقشا بوپسالاعانى ءۇشىن ۇستالدى، دەپ حابارلايدى Kazinform ءتىلشىسى قىرعىز رەسپۋبليكاسىنىڭ م ۇ ق ك باسپا ءسوز قىزمەتىنە سىلتەمە جاساپ.
ۆەدومستۆو 11-قازاندا ق ر ق ك 208-بابى 2-بولىگى 2-تارماعىندا كوزدەلگەن «بوپسالاۋ» قىلمىس بەلگىلەرى بويىنشا ءىس قوزعالعان اقسى اۋدانىنىڭ «باقىلاۋشىسى» اتانعان ۇيىمداسقىن قىلمىستىق توپتىڭ بەلسەندى مۇشەسى ك. كولبايەۆ ۇستالعانىن حابارلادى.
جۇرگىزىلگەن ءىس-شارالار بارىسىندا ۇستالعان ازامات فيزيكالىق كۇش كورسەتىپ، قورقىتۋ ارقىلى اقسى اۋدانىنداعى جەكە كاسىپكەرلەردەن جۇيەلى تۇردە اقشا بوپسالاعانى انىقتالدى.
ۇستالعان ازاماتتىڭ تۇرعىلىقتى جەرىنەن تىركەلمەگەن اتىس قارۋى مەن وق-دارىلەر تابىلىپ، تاركىلەندى. ول جالال-اباد وبلىسى بويىنشا قىرعىزستان م ۇ ق ك تەرگەۋ يزولياتورىنا قامالدى. ونىڭ باسقا قىلمىستارعا قاتىسى بار-جوعىن انىقتاۋعا باعىتتالعان جەدەل-تەرگەۋ ءىس-شارالارى باستالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан