Bitwarden
قاراپايىم ءارى قولدانۋعا ىڭعايلى مەنەدجەرلەردىڭ ءبىرى. باعدارلاما Android ،iPhone، Windows جانە براۋزەرلەردە جۇمىس ىستەيدى. Bitwarden- ءنىڭ باستى ەرەكشەلىگى - اشىق كودپەن جۇمىس ىستەۋى. ياعني قاۋىپسىزدىگىن تاۋەلسىز ماماندار ۇنەمى تەكسەرىپ وتىرادى.
سەرۆيس بارلىق دەرەكتى شيفرلاپ ساقتايدى. نەگىزگى فۋنكسيالارى تەگىن. ال قوسىمشا مۇمكىندىكتەردى اقىلى نۇسقا ارقىلى پايدالانۋعا بولادى.
1Password
الەمدەگى ەڭ تانىمال پارول مەنەدجەرلەرىنىڭ ءبىرى. بۇل سەرۆيستە پارول عانا ەمەس، بانك كارتاسىنىڭ دەرەكتەرى، قۇجاتتار مەن جەكە مالىمەتتەردى دە ساقتاۋعا بولادى.
باعدارلاما قاۋىپسىزدىككە ەرەكشە كوڭىل بولەدى. قولدانۋشىنىڭ قۇپيا ءسوزى ينتەرنەت ارقىلى اشىق تۇردە جىبەرىلمەيدى، سوندىقتان ونى ۇستاپ الۋ قيىنىراق. بارلىق اقپارات ارنايى شيفرلاۋ جۇيەسىمەن قورعالادى.
1Password اقىلى سەرۆيس سانالادى. جەكە قولدانۋشىلارعا دا، وتباسىلىق نەمەسە كوماندالىق جۇمىسقا دا ارنالعان تاريفتەرى بار.
Dashlane
بۇل سەرۆيس اسىرەسە جاڭادان قولدانۋشىلارعا ىڭعايلى. Dashlane پارولدەردى بىرنەشە قۇرىلعى اراسىندا سينحرونداپ، قاۋىپسىزدىك اۋديتىن جۇرگىزەدى.
باعدارلاما ينتەرنەتتەگى اككاۋنت بۇزىلعان بازالاردى تەكسەرىپ، قولدانۋشىنىڭ مالىمەتتەرى تاراپ كەتسە، ەسكەرتۋ جىبەرە الادى.
LastPass
LastPass كوپفاكتورلى اۋتەنتيفيكاتسيا ارقىلى اككاۋنتتاردى قوسىمشا قورعايدى. ياعني پارولدەن بولەك، جۇيەگە كىرۋ ءۇشىن تاعى ءبىر تەكسەرۋ كەزەڭى قاجەت بولادى.
سەرۆيس بارلىق قۇرىلعىدا جۇمىس ىستەيدى جانە پارولدى جاقىن ادامدارمەن قاۋىپسىز ءبولىسۋ فۋنكسياسىن ۇسىنادى. سونىمەن قاتار توتەنشە جاعدايدا سەنىمدى ادامعا اككاۋنتتارعا ۋاقىتشا قولجەتىمدىلىك بەرۋگە مۇمكىندىك بار.
Kaspersky Password Manager
Kaspersky كومپانياسىنىڭ بۇل سەرۆيسى پارولدەردى قاۋىپسىز ساقتاپ، سايتتارعا كىرگەن كەزدە مالىمەتتەردى اۆتوماتتى تۇردە تولتىرىپ بەرەدى. بارلىق قۇپيا ءسوز ارنايى شيفرلانعان جۇيەدە ساقتالادى.
سەرۆيس iOS ،Android ،Windows جانە macOS جۇيەلەرىندە جۇمىس ىستەيدى. تەگىن نۇسقاسىندا پارول نەمەسە قۇجات سەكىلدى بىرنەشە جازبانى عانا ساقتاۋعا بولادى. شەكتەۋدى الىپ تاستاۋ ءۇشىن اقىلى جازىلىم قاجەت.
BearPass
BearPass كوبىنە كومپانيالار مەن جۇمىس توپتارىنا ارنالعان سەرۆيس رەتىندە تانىمال. سەرۆيس ورتاق اككاۋنتتار مەن قۇپيا سوزدەردى قاۋىپسىز ساقتاپ، بىرنەشە قىزمەتكەرگە قولجەتىمدىلىكتى رەتتەۋگە مۇمكىندىك بەرەدى.
باعدارلامادا ءار قىزمەتكەرگە جەكە رۇقسات بەرىلەدى. سونىڭ ارقاسىندا كىمنىڭ قانداي اككاۋنتقا كىرە الاتىنىن الدىن الا باقىلاۋعا بولادى.
مامانداردىڭ ايتۋىنشا، پارول مەنەدجەرلەرى تەك ىڭعايلى قۇرال عانا ەمەس، سيفرلىق قاۋىپسىزدىكتىڭ ماڭىزدى بولىگىنە اينالىپ بارادى. سەبەبى بۇگىندە الەۋمەتتىك جەلىدەن باستاپ بانك قوسىمشاسىنا دەيىن ءبىر اككاۋنتتىڭ بۇزىلۋى ۇلكەن ماسەلەگە اكەلۋى مۇمكىن. سوندىقتان ءار سەرۆيسكە بولەك، كۇردەلى پارول قويىپ، ونى ارنايى مەنەدجەرلەردە ساقتاۋ الدەقايدا قاۋىپسىز سانالادى.