قويلاردى قىرىپ كەتكەن يتتەر مە الدە سىلەۋسىن بە؟

  اتالعان وقيعاعا قاتىستى سولتۇستىك قازاقستان وبلىسىنىڭ ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى ولەگ بەسپالوۆ پىكىر بىلدىرگەن. 

ايىرتاۋ اۋدانى مال شارۋاشىلىعى كەشەندەرىنىڭ بىرىنەن ولگەن 44 قوي تابىلىپ، جەدەل-تەرگەۋ توبى شاقىرىلعان. ماماندار تەكسەرۋ كەزىندە ءتىس پەن تىرناق ىزدەرىن انىقتاعان. كوبىنىڭ كومەي تۇسى زاقىمدانىپ، ءبىر قوي جارتىلاي جەلىنگەن. پوليتسەيلەر وقيعا ورنىنان جارتى شاقىرىم تۇستان سىلەۋسىندىكىنە ۇقساس ىزدەر تابىلعانىن جاريالاعان.

الايدا اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسى اتالعان قورىتىندىنى تەرىسكە شىعاردى.

ولەگ بەسپالوۆتىڭ ايتۋىنشا، وبلىس اۋماعىندا سىلەۋسىن مەكەندەيدى. ساناق كەزىندە انىقتالعانداي سىلەۋسىندەردىڭ سانى شامامەن 40 تان استام. جىرتقىشتار ءۇشىن ورمانداردا تاماق جەتكىلىكتى، ونىڭ ۇستىنە سىلەۋسىن قانىشەر اڭ ەمەس، ولار بۇلاي شابۋىل جاسامايدى. قويلاردى قىرعان وزگە جانۋار، يت تە بولۋى مۇمكىن.

Egemen.kz