قوسىمشا قۇن سالىعى ءۇشىن وتەماقى تولەنەتىنى راس پا؟
ەڭبەك جانە حالىقتى الەۋمەتتىك قورعاۋ مينيسترلىگى قوسىمشا قۇن سالىعى ءۇشىن وتەماقى تولەنەتىنى تۋرالى اقپاراتتى جوققا شىعاردى.
جەلىدە ق ق س ءۇشىن وتەماقى تولەم ەنگىزىلگەنى تۋرالى شىندىققا جاناسپايتىن اقپارات تاراتىلىپ جاتىر. تاعايىندالعان قاراجاتتى اۋدارۋ ءۇشىن سىلتەمەگە ءوتۋ ۇسىنىلعان.
«الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز»، - دەلىنگەن جاۋاپتا.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن س م س- حابارلامالار ارقىلى تاراتىلادى.
ەڭبەك جانە حالىقتى الەۋمەتتىك قورعاۋ مينيسترلىگى تۇرعىنداردان تەك رەسمي كوزدەردەگى اقپاراتتى پايدالانۋىن سۇرادى. ەسكە سالايىق، جالعان اقپارات تاراتۋ زاڭمەن جازالانادى.