قوستانايدا قيراعان عيمارات: ءۇيىندى استىنان 3 ادام شىعارىلدى
ق ر توتەنشە جاعدايلار مينيسترلىگى قوستانايدا گاز سالدارىنان قيراعان عيمارات تۋرالى اقپارات بەردى، دەپ حابارلايدى Kazinform.
«11- جەلتوقسان كۇنى ساعات 12:39 دا قوستاناي قالاسىنىڭ امانگەلدى كەنتىندە گاز- اۋا قوسپاسىنىڭ جارىلىسى سالدارىنان جۇك كولىگىن جوندەۋگە ارنالعان ءبىر قاباتتى عيماراتتىڭ قيراعانى تۋرالى حابار ءتۇستى. كۋاگەرلەردىڭ ايتۋىنشا، ءۇيىندى استىندا ادامدار بولۋى مۇمكىن»، - دەپ جازىلعان ق ر ت ج م حابارلاماسىندا.
ىزدەستىرۋ- قۇتقارۋ جۇمىستارىنا قوستاناي وبلىسى ت ج د جانە جەرگىلىكتى اتقارۋشى ورگان كۇش- قۇرالدارى جۇمىلدىرىلعان.
العاشقى مەديتسينالىق كومەككە 12 ادام جۇگىندى.
«ىزدەستىرۋ- قۇتقارۋ جۇمىسىندا ءۇيىندى استىنان ەكى ادام قۇتقارىلدى، تاعى بىرەۋى ءولى كۇيىندە تابىلدى، ونىڭ اتى- ءجونى انىقتالىپ جاتىر. ىزدەۋ جالعاسۋدا. اقپارات تۇسۋىنە قاراي تاعى تولىقتىرىلادى»، - دەيدى مينيسترلىك.
بۇعان دەيىن قوستانايدا 7 ادام قيراعان ءۇيدىڭ استىندا قالىپ قويعانى حابارلانعان ەدى.