قوستانايدا قيراعان ءۇيدىڭ استىندا ءالى دە ادامدار بار

قوستانايدا قۇلاعان ءۇيدىڭ استىندا ءبىر ادام بار. بۇل جايىندا Kazinform ءتىلشىسى وقيعا ورنىنان حابارلادى.

ەسكە سالا كەتەيىك، قوستاناي قالاسىنداعى امانگەلدى كەنتىندە ءبىر كۇن بۇرىن عيمارات وپىرىلىپ قۇلادى.

الدىن الا مالىمەت بويىنشا، وندا گاز-اۋا قوسپاسى جارىلعان.

عيمارات ءۇيىندىسىنىڭ استىندا جەتى ادام قالعان. ەكى ادام قۇتقارىلدى، بىرەۋىنىڭ دەنەسى تابىلدى.

تاعى بىرەۋىن ىزدەۋ جۇمىستارى جالعاسىپ جاتىر. حابارلانعانداي، ونىڭ اياعى تاقتالاردىڭ اراسىنا قىسىلىپ قالعان.

ت ج د جۇمىستىڭ وتە كۇردەلى ەكەنىن ناقتىلادى.

«ۇيدە وتىرعاندا تارس ەتكەن الدەبىر دىبىستى ەستىپ، بىرەۋدىڭ كولىگىنىڭ دوڭگەلەگى جارىلدى ما دەپ ويلادىم. دالاعا شىقسام، ادامدار، كولىكتەر ءجۇر. كەيىن جارىلىس بولعانىن وقىدىم»، - دەدى جەرگىلىكتى تۇرعىن ءىلياس.

جۇمىس بارىسىندا وقيعا ورنىناعى ءۇيىندى استىندا قالۋى مۇمكىن ادامنىڭ تۋىسى دا كەلگەن. ول وسى جەردە جاقىن ادامى جۇمىس ىستەيتىنىن ايتتى.

كۋاگەرلەردىڭ ايتۋىنشا، بۇل جەردە جۇك جانە جەڭىل كولىكتەردى جوندەيتىن جەكەمەنشىك اۋماق بولعان.

«جەڭىل جاراقات العان ءتورت ادام اۋرۋحاناعا جاتقىزىلدى. ءۇيىندى استىندا ءبىر ادام قالدى»، - دەپ حابارلادى پوليتسيادان.

وقيعا ورنىنا ەرىكتىلەر كەلىپ جاتىر.

ولار ەڭ قاجەتتى زاتتار: كورپە، جىلى كيىم، ىستىق شاي، باۋىرساق، ت. ب. اكەلدى.

بۇعان دەيىن قوستانايدا 7 ادام قيراعان ءۇيدىڭ استىندا قالىپ قويعانى حابارلانعان ەدى.

كەيىن ءۇش ادام ءۇيىندى استىنان شىعارىلدى، ونىڭ بىرەۋى كوز جۇمعان.