قوستانايدا ناۋقاستىڭ شابۋىلىنان زارداپ شەككەن دارىگەردىڭ اتى-ءجونى بەلگىلى بولدى
قوستاناي. KAZINFORM - قوستاناي وبلىسىنىڭ پروكۋراتۋراسى كۇدىكتىگە قاتىستى پروتسەستىك ماجبۇرلەۋ شارالارى قابىلدانعانىن حابارلادى. ول ق ر قىلمىستىق-پروتسەستىك كودەكسىنىڭ 128-بابى بويىنشا ۇستالدى.
ءقازىر قاماۋدا ۇستاۋ تۇرىندەگى بۇلتارتپاۋ شاراسىن تاڭداۋ ماسەلەسى شەشىلىپ جاتىر. بۇل شارا تەك سوتتىڭ سانكسياسىمەن قولدانىلۋى مۇمكىن.
سونداي- اق 34 جاستاعى حيرۋرگ- ۋرولوگ انتون كيستانوۆ زارداپ شەككەن دارىگەر ەكەنى بەلگىلى بولدى. قوستاناي وبلىستىق اۋرۋحاناسىنىڭ باسپا ءسوز قىزمەتى ونىڭ مەكەمەدە التى جىل جۇمىس ىستەگەنىن جانە ونداعان ادامنىڭ ءومىرىن ساقتاپ قالعانىن ايتتى.
- وتباسىنىڭ رۇقساتىمەن قوستاناي وبلىستىق اۋرۋحاناسىنىڭ قابىلداۋ بولمەسىندە بولعان شابۋىل سالدارىنان زارداپ شەككەن دارىگەردىڭ اتى- ءجونى بەلگىلى بولدى. ءقازىر ول اۋىر جاعدايدا جانساقتاۋ بولىمىندە. ول ءوز ءومىرى ءۇشىن كۇرەسىپ جاتىر. ۇيىندە ونى جاس جۇبايى مەن جاڭا تۋعان قىزى كۇتىپ وتىر، - دەپ حابارلادى ۆەدومستۆودان.
ايتا كەتەيىك، قوستاناي وبلىستىق اۋرۋحاناسىنىڭ جەدەل جاردەم بولمەسىندە تەكسەرۋ كەزىندە ناۋقاس حيرۋرگكە شابۋىل جاسادى. دارىگەر جانساقتاۋ بولىمىنە جاتقىزىلدى.
وبلىستىق اۋرۋحانانىڭ باسپا ءسوز قىزمەتى كەزەكتى وپەراتسيانى اياقتاعان دارىگەر كەزەكتە تۇرعان ناۋقاستاردى قاراۋ ءۇشىن جەدەل جاردەم بولمەسىنە تۇسكەن.
كەزەگىن كۇتىپ تۇرعان ناۋقاستاردىڭ ءبىرى جانجال شىعارعان. الدىن الا مالىمەت بويىنشا، ءۇشىنشى كەزەكتە تۇرعان ەر ادام دارىگەرگە شابۋىل جاساپ، سوققىعا جىققان. سودان كەيىن دارىگەر ەسىن جوعالتقان. ول اۋىر حالدە جانساقتاۋ بولىمىنە جاتقىزىلدى.
وقيعا ورنىندا پوليتسيا قىزمەتكەرلەرى كەلدى.