قوستانايدا 3 جاسار بالا اناسىن بالكونعا قاماپ قويدى
09:39, 19 - اقپان 2025
استانا. KAZINFORM - قوستاناي قالاسىندا بەرەكە شاعىن اۋدانىندا اناسى بالكونعا شىققان كەزدە ونىڭ 3 جاسار بالاسى ويناپ ءجۇرىپ، ەسىكتى ىشتەن جاۋىپ تاستاعان.
بالا پاتەردە ەرەسەكتەرسىز جالعىز قالىپ قويعان، ءال دال وسى ۋاقىتتا پەشتە تاماق دايىندالىپ جاتقان ەدى. ەگەر اناسى دەر كەزىندە قۇتقارىلماسا ءول ورت تۋدىرۋى مۇمكىن بولاتىن.
ابىروي بولعاندا ايەلدىڭ وزىمەن بىرگە تەلەفونى بولىپ، ول 112 جەلىسىنە قوڭىراۋ شالدى. كەلگەن قۇتقارۋشىلار جوعارىداعى پاتەردەن بالكونعا ءتۇسىپ، ەسىكتى اشتى.
- وقيعا سالدارىنان ەشكىم زارداپ شەككەن جوق. تجم قىزمەتكەرلەرى ءۇش جاسار بالانى قۇتقارىپ، ءورتتىڭ الدىن الدى، - دەلىنگەن حابارلامادا.
وسىعان دەيىن قوستاناي وبلىسى رۋدنىي قالاسىندا لەنين كوشەسىندە ورنالاسقان ءدامحانانىڭ شاتىرى ورتەنگەنىن جازدىق.
اۆتور
اينۇر تۋماكبايەۆا