16-جەلتوقسان كەشكى ساعات 20:00 شاماسىندا 31 جانە 51 جاستاعى ەكى جەرگىلىكتى تۇرعىن شورتاندى وزەنى ارقىلى ۇيگە باراتىن جولدى كەسىپ وتۋگە شەشىم قابىلداعان. سالدارىنان مۇز وپىرىلىپ سۋعا ءتۇسىپ كەتتى، دەپ حابارلايدى Kazinform.
ءتورت پوليتسيا قىزمەتكەرى وقيعا ورنىنا 4 مينۋت ىشىندە كەلدى. قۇتقارۋ كەزىندە قۇتقارۋ تروستارى مەن جيلەتتەر پايدالانىلدى.
«ءتارتىپ ساقشىلارىنا تەز ارەكەت ەتۋ كەرەك بولدى. پاترۋلدىك پوليتسەيلەر نۇرلان شۋكمانوۆ پەن رۋسلان كۋجاحمەتوۆ مۇز ۇستىمەن ءجۇرىپ، تەرەڭدىگى شامامەن 6 مەترلىك سۋعا سەكىردى.
ولار سۋعا كەتكەن تۇرعىنداردى تەز ارادا جوعارىعا قاراي يتەرىپ، قالعان ەكى پوليتسيا قىزمەتكەرى كەزەك-كەزەك بارلىعىن سۋدان جاعاعا شىعارعان تروستى ۇستاپ تۇردى»، - دەلىنگەن ءى ءى م حابارلاماسىندا.
ەر ادامداردى جەدەل جاردەم الىپ كەتتى. ولاردىڭ جاعدايى تۇراقتى. قازىر دارىگەرلەردىڭ باقىلاۋىندا.
پوليتسەيلەر سۋعا تۇسكەن فورماسىن اۋىستىرىپ، قىزمەتىن جالعاستىردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан