قوستاناي وبلىسىندا ەلۋدەن استام قاسقىردى اتۋعا رۇقسات بەرىلدى

  قوستاناي. KAZINFORM -ءتۇز تاعىسىن اتۋعا ءۇي جانۋارلارىنا شابۋىل جاسالعان جاعدايدا عانا رۇقسات ەتىلەدى. جانۋارلاردى ۇستاۋ شەگى 53 باس بولىپ بەكىتىلدى.

بيولوگيالىق نەگىزدەمەگە سايكەس، جانۋارلار سانىن رەتتەۋ مەرزىمى 2024 -جىلدىڭ 31-جەلتوقسانىنا دەيىن بەلگىلەنگەن.

- قوستاناي وبلىسى بويىنشا 53 قاسقىردى جويۋعا رۇقسات ەتىلدى. ايتا كەتەتىن جايت، قوستاناي وبلىسىندا قاسقىر سانىن رەتتەۋگە شەكتەۋ قويىلعان، قاڭعىباس قاسقىرلار ەلدىمەكەندەر اۋماعىنا ءوتىپ كەتكەن جاعدايدا عانا ولاردى اتۋعا رۇقسات ەتىلەدى، - دەدى جانۋارلار الەمى جانە اڭشىلىق شارۋاشىلىعى ءبولىمىنىڭ باس مامانى رۋستام بيديبايەۆ.

جانۋاردى اتۋ ليتسەنزياسىن ق ر ەلەكتروندى ليتسەنزيالاۋ ۆەب-پورتالى - elicense.kz تەن الۋعا بولادى.