استانا. KAZINFORM - قوستاناي وبلىسىندا ماگيسترالدى سۋ قۇبىرىن جوندەۋ كەزىندە جۇمىسشىلاردى توپىراق باسىپ قالدى. سالدارىنان ءبىر جۇمىسشى رۋدنىي قالاسىنىڭ اۋرۋحاناسىندا كوز جۇمدى.
وقيعا 13-تامىزدا بولعان. رۋدنىي قالاسىندا اپاتتى قالپىنا كەلتىرۋ جۇمىستارى كەزىندە توپىراقتىڭ ءبىر بولىگى وپىرىلىپ تۇسكەن. ناتيجەسىندە ەكى جۇمىسشى زارداپ شەككەن.
وبلىستىق پوليتسيا دەپارتامەنتىنىڭ مالىمەتىنشە، ەڭبەك قاۋىپسىزدىگى ەرەجەسىن بۇزۋ فاكتىسى بويىنشا قىلمىستىق ءىس قوزعالدى. قاجەتتى ساراپتامالار تاعايىندالىپ، وقيعانىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە.
قورىتىندى پروتسەسسۋالدىق شەشىم تەرگەۋ ناتيجەسىنە سايكەس قابىلداناتىن بولادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан