قوستاناي وبلىسىندا الداعى جىلى تاسقىن سۋ كوپ بولادى دەگەن بولجام بار

قوستاناي. KAZINFORM - قوستاناي وبلىسىندا كەلەسى جىلى تاسقىن سۋ كوپ بولادى دەگەن بولجام جاسالدى. بۇل الدىن الا قورىتىندى، ال قازگيدرومەت رەسمي گيدرولوگيالىق بولجامدى 2025 -جىلدىڭ 1-اقپانىنا قاراي شىعارادى.

الداعى ماۋسىم تۋرالى اقپاراتپەن قوستاناي وبلىسىنىڭ توتەنشە جاعدايلار دەپارتامەنتى ءبولىستى.

قازىرگى كەزدە قاراتومار سۋ قويماسىنان سۋ جىبەرۋ 40,0 م3/س ە ك، تولۋ دەڭگەيى � قۇرايدى. سۋ قويمالارىنىڭ كولەمى ءبىرشاما ازايۋدا، بۇل جازدىڭ سالىستىرمالى تۇردە سالقىن، جاۋىن-شاشىننىڭ كوپ مولشەرى جانە سۋ قويماسى بەتىنەن سۋدىڭ بۋلانۋىنىڭ از بولۋىمەن بايلانىستى.

«قازاق سۋ شارۋاشىلىعىنىڭ» مالىمەتىنشە، بيىلعى جىلدىڭ ۆەگەتاتسيالىق كەزەڭىنىڭ سوڭىندا سۋ قويمالارىنىڭ قاجەتتى بوس كولەمىن قامتاماسىز ەتۋ ءۇشىن اعىزىلاتىن سۋ كولەمى ۇلعايتىلۋى مۇمكىن. قاراتومار سۋ قويماسىنان 2024 -جىلدىڭ 16-قىركۇيەگىنەن باستاپ جوسپارلى سۋ جىبەرۋ 50 م3/س ە ك، 23-قىركۇيەكتە 70 م3/س ە ك قۇرايدى»، - دەپ مالىمدەدى قوستاناي وبلىسى توتەنشە جاعدايلار دەپارتامەنتى باستىعىنىڭ ورىنباسارى ءومىرجان تۇقىشيەۆ.

جوعارعى توبىل جانە قاراتومار سۋ قويمالارىنان سۋ جىبەرۋ كولەمىنىڭ جوسپارلى ۇلعايۋىنا (70 م3/س ە ك دەيىن) بايلانىستى توبىل وزەنىنىڭ القابىندا ورنالاسقان قوستاناي قالاسىنداعى «سادوۆود ساياجاي قوعامداستىعىن سۋ باسۋ قاۋپى بار. اعىستىڭ تومەنگى جاعىنداعى گيدروبەكەتتەگى سۋ دەڭگەيى 404 س م، قاۋىپتى دەڭگەيى - 600 س م.

وتكەن كوكتەمدە بولعان سۋ تاسقىنى جاعدايىن ەسكەرە وتىرىپ، مۇزدى قوپسىتۋ ءۇشىن جارىلىس جۇمىستارىنىڭ قاجەتتى كولەمىن انىقتاۋ جۇمىستارى جۇرگىزىلۋدە. قالا جانە اۋدان اكىمدىكتەرىنە جارىلىس كولەمىن كورسەتۋ بويىنشا وتىنىمدەر تۋرالى سۇرانىس جىبەرىلدى.

سونداي- اق، ينجەنەرلىك جانە ارنايى تەحنيكا ساتىپ الۋ جۇمىستارى جۇرگىزىلۋدە. وبلىستىق بيۋدجەتكە سايكەس، باتپاقتا جۇرەتىن كولىك پەن شتاتتىق كولىك ساتىپ الۋ جوسپارلانعان.

اۆتور

زارينا تۋعانبايەۆا