قوستاناي وبلىسىندا 20 باس سيىر تيەلگەن جۇك كولىگى اۋدارىلدى
جول اپاتى كەشكى مەزگىلدە بولعان. 21-تامىز كۇنى قوستاناي- مامليۋت اۆتوجولىنىڭ 26-شاقىرىمىندا 34 جاستاعى Volvo جۇك كولىگىنىڭ جۇرگىزۋشىسى رولگە يە بولا الماي كيۋۆەتكە اۋدارىلعان، دەپ حابارلادى turkystan.kz.
«جۇرگىزۋشى سولتۇستىك قازاقستان وبلىسىنان زارەچنوە كەنتىنىڭ ەت كومبيناتتارىنىڭ بىرىنە 23 باس ءىرى قارا مال اپارا جاتقان.
اپات سالدارىنان جۇرگىزۋشىنىڭ ءوزى زارداپ شەككەن جوق. بىرنەشە سيىر جاراقات الدى. پوليتسەيلەر تاسىمالداناتىن جۇككە قۇجاتتاردىڭ بار ەكەنىنە كوز جەتكىزدى. قازىرگى ۋاقىتتا وقيعا ورنىنا مانيپۋلياتور كەلدى، ونىڭ كومەگىمەن جانۋارلاردى تيەۋ جۇزەگە اسىرىلادى. سودان كەيىن سيىر تيەلگەن كولىك پوليتسەيلەردىڭ ىلەسىپ جۇرۋىمەن مەجەلى جەرگە جەتكىزىلەدى. بارالىق ءمان-جايلاردى انىقتاعاننان كەيىن جۇرگىزۋشىنىڭ ءىس-ارەكەتىنە قۇقىقتىق باعا بەرىلەدى»، - دەلىنگەن قوستاناي وبلىستىق پ د باسپا ءسوز قىزمەتى تاراتقان حابارلامادا.