قوسشىدا قوقىسقا تولەنەتىن تاريف ارزاندادى

استانا. KAZINFORM - وسى ۋاقىتقا دەيىن قوسشى قالاسىنىڭ تۇرعىندارى قاتتى تۇرمىستىق قالدىقتاردى (ق ت ق) شىعارۋعا 532 تەڭگەدەن، زاڭدى تۇلعالار 575 تەڭگەدەن تولەپ كەلگەن. بۇل تۋرالى وبلىستىق پروكۋراتۋرانىڭ باسپا ءسوز قىزمەتى ءمالىم ەتتى.

پروكۋرورلار اقمولا وبلىسىنىڭ قوسشى قالاسىندا قاتتى تۇرمىستىق قالدىقتاردى (ق ت ق) شىعارۋعا تولەنەتىن تاريفتىڭ تومەندەۋىنە قول جەتكىزدى. قوسشى قالاسى جانە وعان ىرگەلەس اۋماق قالدىقتاردى توگۋ ءۇشىن رۇقسات بەرىلمەيتىن ايماقتارعا، ياعني استانانىڭ حالىقارالىق اۋەجايىنان 30 شاقىرىمدا ورنالاسقان ايماقتارعا كىرەدى. وسىعان بايلانىستى قالا ماڭىندا ق ت ق- نى سۇرىپتاۋعا جانە كومۋگە تىيىم سالىنعان.

ءوز كەزەگىندە مەردىگەر ۇيىم ق ت ق- نى قوسشى قالاسىنان 50 شاقىرىمنان استام قاشىقتىقتا ورنالاسقان استانا قالاسىنىڭ پوليگونىنا تاسىمالداعان. بۇل رەتتە ق ت ق- نى استانا قالاسىنىڭ پوليگونىنا دەيىن تاسىمالداۋ مەن ولاردى وتكىزۋ شىعىندارىنىڭ ورنىنا ق ت ق- نى سۇرىپتاۋ مەن كومۋگە ارنالعان شىعىندار تاريفكە نەگىزسىز ەنگىزىلگەن.

- سول سەبەپتەن، قوسشى قالاسى پروكۋراتۋراسىنىڭ قاداعالاۋ اكتىسى بويىنشا شىعىنداردى قايتا ەسەپتەۋ جۇرگىزىلىپ، ناتيجەسىندە جەكە (532 تەڭگەدەن 482 تەڭگەگە دەيىن) جانە زاڭدى (575 تەڭگەدەن 527 تەڭگەگە دەيىن) تۇلعالار ءۇشىن ورتاشا ولشەنگەن تاريف قۇنى 50 تەڭگەگە تومەندەدى، - دەلىنگەن حابارلامادا.

جالپى قابىلدانعان شارالاردىڭ ناتيجەسىندە 37 مىڭ تۇتىنۋشى (ونىڭ ىشىندە 200 بيزنەس سۋبەكتىلەرى) ءۇشىن ءبىر جىلدىق ۇنەم 22,2 ميلليون تەڭگەنى قۇرادى.

بۇعان دەيىن مارات احمەتجانوۆ قوسشى قالاسى ۇلەسكەرلەرىنىڭ پروبلەماسىن شەشۋگە ۋادە بەردى.