ق ر پ ءى ب مەديتسينالىق ورتالىعى اۋرۋحاناسىنىڭ ۇيقى زەرتحاناسىنىڭ مامانى الفيا ابجانوۆا سۇحباتتا ۇيقىنىڭ بۇزىلۋ سەبەپتەرى، تۇنگى قورىل مەن كۇندىزگى شارشاۋدىڭ نەنى ءبىلدىرۋى مۇمكىن ەكەنى جانە ۇيقى ماسەلەلەرىن انىقتاپ، ەمدەۋدىڭ زاماناۋي ادىستەرى تۋرالى اڭگىمەلەيدى.
- الفيا ەرمەك قىزى، قازىر كوپ ادام «كۇيزەلىستەن دۇرىس ۇيىقتاي الماي ءجۇرمىن» دەپ جاتادى. شىنىمەن دە، ۇيقىنىڭ بۇزىلۋىنا كوبىنە كۇيزەلىس سەبەپ بولا ما، الدە ونىڭ باسقا دا سەبەپتەرى بار ما؟
- كۇيزەلىس ۇيقىعا اسەر ەتەتىنى راس. اسىرەسە ادام كۇندەلىكتى اقپاراتتان شارشاپ، ەموتسيالىق تۇرعىدان كوپ كۇش جۇمساسا، ۇيىقتاۋى قيىنداۋى مۇمكىن. ءبىراق ۇيقىنىڭ بۇزىلۋىنا تەك كۇيزەلىس سەبەپ ەمەس. كەيدە بۇعان مازاسىزدىق، كۇن ءتارتىبىنىڭ بۇزىلۋى، كەيبىر دارىلەر، ءتۇرلى اۋرۋلار، ۇيقى كەزىندە تىنىستىڭ ۋاقىتشا توقتاۋى نەمەسە اياقتاعى جايسىز سەزىمدەر دە اسەر ەتەدى.
سوندىقتان ادام ۋاقىتىندا جاتسا دا، ۇزاق ۋاقىت ۇيىقتاي الماي جۇرسە نەمەسە تۇندە قايتا-قايتا ويانسا، مۇنىڭ ءبارىن كۇيزەلىسكە جابا سالۋعا بولمايدى. ەڭ الدىمەن، ۇيقىنىڭ بۇزىلۋىنا نە سەبەپ بولىپ جۇرگەنىن انىقتاۋ كەرەك.
- ۇيقىنىڭ بۇزىلعانىن جانە مامانعا قارالۋ قاجەت ەكەنىن قالاي تۇسىنۋگە بولادى؟ قانداي بەلگىلەرگە ءمان بەرۋ كەرەك؟
- ەگەر ادام ۇنەمى شارشاپ جۇرسە، كۇندىز ۇيقىسى كەلىپ، زەيىنى تومەندەسە، اشۋلانشاق بولىپ، تاڭەرتەڭ سەرگەك ويانباسا، بۇل ۇيقىنىڭ بۇزىلعانىن كورسەتۋى مۇمكىن. اسىرەسە تۇراقتى شارشاۋدى قالىپتى جاعداي دەپ قابىلداۋعا بولمايدى.
تاعى ءبىر ماڭىزدى بەلگى - قورىلداۋ. ەگەر ادام ۇيىقتاپ جاتقاندا تىنىسى توقتاپ، تۇندە جيى ويانسا، تاڭەرتەڭ باسى اۋىرىپ، كۇندىز ۇيقىسى كەلسە، بۇل ۇيقى اپنوەسىنىڭ بەلگىسى بولۋى مۇمكىن. مۇنداي جاعدايدا دارىگەرگە قارالىپ، سەبەبىن انىقتاۋ قاجەت.
- ۇيقىنىڭ بۇزىلعانىن جانە مامانعا قارالۋ قاجەت ەكەنىن قالاي تۇسىنۋگە بولادى؟ قانداي بەلگىلەرگە ءمان بەرۋ كەرەك؟
- ەگەر ادام ۇنەمى شارشاپ جۇرسە، كۇندىز ۇيقىسى كەلىپ، زەيىنى تومەندەسە، اشۋلانشاق بولىپ، تاڭەرتەڭ سەرگەك ويانباسا، بۇل ۇيقىنىڭ بۇزىلعانىن كورسەتۋى مۇمكىن. اسىرەسە تۇراقتى شارشاۋدى قالىپتى جاعداي دەپ قابىلداۋعا بولمايدى.
تاعى ءبىر ماڭىزدى بەلگى - قورىلداۋ. ەگەر ادام ۇيىقتاپ جاتقاندا تىنىسى توقتاپ، تۇندە جيى ويانسا، تاڭەرتەڭ باسى اۋىرىپ، كۇندىز ۇيقىسى كەلسە، بۇل ۇيقى اپنوەسىنىڭ بەلگىسى بولۋى مۇمكىن. مۇنداي جاعدايدا دارىگەرگە قارالىپ، سەبەبىن انىقتاۋ قاجەت.
- ۇيقى زەرتحاناسىنا پاتسيەنتتەر كوبىنە قانداي شاعىمدارمەن جۇگىنەدى؟
- بىزگە كوبىنە قورىلدايتىن جانە ۇيقى كەزىندە تىنىسى قايتا-قايتا توقتاپ قالاتىن پاتسيەنتتەر كەلەدى. بۇل وبسترۋكتيۆتى ۇيقى اپنوەسىنىڭ بەلگىسى بولۋى مۇمكىن. دەگەنمەن ۇيقىنىڭ بۇزىلۋى ءارتۇرلى بولادى. مىسالى، ادام ۇيىقتاي الماي قينالۋى مۇمكىن، ءبىراق قورىلدامايدى ءارى تىنىسى توقتامايدى. مۇنداي جاعدايدا ماسەلەنىڭ سەبەبىن انىقتاۋ ءۇشىن باسقا تەكسەرۋلەر قاجەت.
- ادام 8 ساعات ۇيىقتاسا دا، نەلىكتەن تاڭەرتەڭ شارشاپ ويانۋى مۇمكىن؟
- ۇيقىنىڭ ساپاسى ونىڭ ۇزاقتىعىنا عانا بايلانىستى ەمەس. ۇيقىنىڭ تۇراقتى بولۋى، تۇندە جيى بولىنبەۋى جانە اعزانىڭ تولىق تىنىعۋى دا ماڭىزدى. سونىمەن قاتار ۇيقىنىڭ تەرەڭ كەزەڭدەرى مەن ءتۇس كورەتىن REM- كەزەڭى قالىپتى ءوتۋى كەرەك. سوندىقتان ادام سەگىز ساعات ۇيىقتاسا دا، تاڭەرتەڭ ءوزىن سەرگەك سەزىنبەۋى مۇمكىن.
- ۇيقىنىڭ قانباۋى ۇزاق ۋاقىتقا سوزىلسا، دەنساۋلىققا قالاي اسەر ەتەدى؟ ەستە ساقتاۋ قابىلەتى، كوڭىل كۇيى مەن جۇرەك جۇمىسىنا قانداي زيانى بار؟
- ۇيقىنىڭ قانباۋى ميدىڭ جۇمىسىنا دا، جالپى دەنساۋلىققا دا اسەر ەتەدى. زەيىن قويۋ، ەستە ساقتاۋ، تەز ارەكەت ەتۋ جانە دۇرىس شەشىم قابىلداۋ قيىندايدى. ادام اشۋلانشاق بولىپ، كۇيزەلىسكە توزىمدىلىگى تومەندەۋى مۇمكىن.
ۇزاق ۋاقىت ۇيقى قانباۋ جۇرەك-قان تامىرلارى اۋرۋلارى مەن زات الماسۋ بۇزىلىستارىنىڭ دامۋ قاۋپىن دە ارتتىرادى. سەبەبى ۇيقى قان قىسىمىن، قانداعى گليۋكوزا دەڭگەيىن، تابەتتى جانە اعزانىڭ قالپىنا كەلۋ ۇدەرىستەرىن رەتتەۋگە قاتىسادى.
سوندىقتان ۇيقىنى ۋاقىت جوعالتۋ دەپ ەمەس، دەنساۋلىقتى ساقتاۋدىڭ ماڭىزدى بولىگى دەپ قاراۋ كەرەك.
- ۇيقى زەرتحاناسىندا تەكسەرۋ قالاي جۇرگىزىلەدى؟ قانداي ادىستەر قولدانىلادى؟
- ۇيقى بۇزىلىستارىن انىقتاۋ ءۇشىن ءبىز رەسپيراتورلىق مونيتورينگ پەن پوليسومنوگرافيا ادىستەرىن قولدانامىز. رەسپيراتورلىق مونيتورينگ ۇيقى كەزىندە تىنىس الۋدى باقىلاۋعا مۇمكىندىك بەرەدى. ءبىر تۇندە 20 مىڭعا دەيىن ولشەم جۇرگىزىلىپ، وبسترۋكتيۆتى ۇيقى اپنوەسى سيندرومىن ءدال انىقتاۋعا كومەكتەسەدى.
ال پوليسومنوگرافيا كەزىندە ميدىڭ بەلسەندىلىگى ە ە گ ارقىلى تىركەلىپ، جۇرەك ىرعاعى، تىنىس الۋ، كوز بەن اياق-قول قوزعالىستارى قاتار باقىلانادى. بۇل زەرتتەۋ ۇيقى اپنوەسىن، ۇيقىسىزدىقتى، مازاسىز اياق سيندرومىن، ناركولەپسيانى جانە باسقا دا ۇيقى بۇزىلىستارىن انىقتاۋعا كومەكتەسەدى.
- قورىلدان بولەك، ۇيقى اپنوەسىنىڭ قانداي بەلگىلەرى بولادى؟
- ۇيقى كەزىندە تىنىستىڭ توقتاپ قالۋى، مازاسىز ۇيقى، تاڭەرتەڭ باس اۋرۋى، كۇندىز ۇيقىشىلدىق، قان قىسىمىنىڭ جوعارىلاۋى، ارتىق سالماق، ەستە ساقتاۋ مەن زەيىننىڭ تومەندەۋى ۇيقى اپنوەسىنىڭ بەلگىلەرى بولۋى مۇمكىن.
اسىرەسە قاتتى قورىلداپ، ۇيقى كەزىندە تىنىسى توقتاپ قالاتىن جاعدايلارعا ءمان بەرۋ كەرەك. ەگەر وزىڭىزدەن نەمەسە جاقىنىڭىزدان وسىنداي بەلگىلەردى بايقاساڭىز، ۇيقى زەرتحاناسىنىڭ ماماندارىنا قارالعان ءجون.
- سوندا ۇيقى بۇزىلىستارىن ەمدەيتىن ناقتى ادىستەر بار ما؟ ولار قالاي جۇزەگە اسادى؟
- ۇيقى كەزىندە تىنىس الۋ بۇزىلعان جاعدايدا سيپاپ-تەراپياسى قولدانىلادى. بۇل ءادىس وبسترۋكتيۆتى ۇيقى اپنوەسىن ەمدەۋگە كومەكتەسەدى. تەراپيا كەزىندە قانداعى وتتەگى دەڭگەيى قالىپقا كەلىپ، ۇيقىنىڭ ساپاسى مەن ادامنىڭ جالپى جاعدايى جاقسارادى.
ۇيقى زەرتحاناسىندا بيپاپ-تەراپياسى دا جۇرگىزىلەدى. ول وكپەنىڭ وبسترۋكتيۆتى اۋرۋلارى، برونح دەمىكپەسى جانە كەيبىر جۇيكە-بۇلشىقەت اۋرۋلارى كەزىندە تىنىس الۋدى جاقسارتۋ ءۇشىن قولدانىلادى.
ەمدەۋ ءادىسى تەكسەرۋ ناتيجەلەرى مەن قويىلعان دياگنوزعا قاراي تاڭدالادى. سوندىقتان الدىمەن ۇيقىنىڭ بۇزىلۋ سەبەبىن انىقتاپ، سودان كەيىن ءتيىستى ەمدى باستاۋ ماڭىزدى.
el.kz