استانا. KAZINFORM- ۇلتتىق قاۋىپسىزدىك كوميتەتى شەكارا قىزمەتىنىڭ اسكەري قىزمەتشىلەرى 20-قازاندا «قورعاس» شەكارا ماڭى ىنتىماقتاستىعى حالىقارالىق ورتالىعىندا قىتايعا 620 اقبوكەن ءمۇيىزىن زاڭسىز اكەتۋ ارەكەتىنىڭ جولىن كەستى.
ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، تاركىلەنگەن دەريۆاتتاردىڭ قارا نارىقتاعى قۇنى شامامەن 180 ميلليون تەڭگە بولۋى مۇمكىن.
وسى فاكتىگە قاتىستى ماتەريالدار پروتسەستىك شەشىم قابىلداۋ ءۇشىن قۇزىرەتتى ورگانعا بەرىلەدى.
ق ر قىلمىستىق-پروتسەستىك كودەكسىنىڭ 201-بابىنىڭ 1-بولىگىنە سايكەس وزگە اقپارات جاريا ەتىلمەيدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.