قورعاس كەدەن بەكەتى ارقىلى جۇك اينالىمى التى ايدا 20 ميلليون توننادان استى

استانا. قازاقپارات - 2025 -جىلدىڭ ءبىرىنشى جارتىجىلدىعىندا قورعاس باقىلاۋ- وتكىزۋ بەكەتى ارقىلى 20 ميلليون توننادان استام جۇك يمپورتتالىپ، ەكسپورتتالدى، دەپ حابارلايدى شينحۋا اقپارات اگەنتتىگى.

قورعاس كەدەن باسقارماسىنىڭ مالىمەتىنشە، 2025 -جىلدىڭ قاڭتار- ماۋسىم ايلارىندا «قورعاس» باقىلاۋ- وتكىزۋ بەكەتى ارقىلى يمپورتتىق جانە ەكسپورتتىق جۇك كولەمى وتكەن جىلدىڭ سايكەس كەزەڭىمەن سالىستىرعاندا 4,3 پايىز ارتىپ، 22,255 ميلليون توننا بولدى.

قورعاس بۇل كورسەتكىش بويىنشا شينجاڭداعى بارلىق باقىلاۋ- وتكىزۋ بەكەتى اراسىندا ءبىرىنشى ورىندا تۇر.

يمپورتتالاتىن تاۋارلارعا نەگىزىنەن ەلەكترومەحانيكالىق بۇيىمدار، وڭدەلمەگەن مىس مەن مىس ماتەريالدارى، اۋىل شارۋاشىلىعى ونىمدەرى، ازىق-تۇلىك، مەتالل كەنى، ءتۇپشايما جانە ت. ب. جاتادى، ولاردىڭ ىشىندە يمپورتتىق ازىق-تۇلىك تاۋارلارى ساۋدا كولەمىنىڭ ايتارلىقتاي ءوسۋى بايقالدى. ال ەكسپورتتىق تاۋارلاردىڭ تىزبەكتەمەسىن نەگىزىنەن جاڭا ەنەرگيا كوزدەرىن پايدالاناتىن اۆتوموبيلدەر، ەلەكترومەحانيكالىق بۇيىمدار، جاڭا جانە جوعارى تەحنولوگيا ونىمدەرى، كيىم، توقىما جانە ت. ب. قۇرادى.

قورعاس باقىلاۋ- وتكىزۋ بەكەتى - قازاقستان- قىتاي شەكاراسىندا ورنالاسقان جانە ءبىرىنشى دارەجەلى قۇرلىق پورتى. قورعاس اۆتوموبيل- تەمىرجول وتكىزۋ بەكەتىندە ءبىرقاتار رەفورمالىق شارالاردى جۇزەگە اسىرۋدىڭ ارقاسىندا كەدەندىك رەسىمدەۋ تيىمدىلىگىن ارتتىرۋ جالعاسىپ وتىر.

وسى جىلدىڭ ءبىرىنشى جارتىجىلدىعىندا قورعاس تەمىرجول بەكەتى ارقىلى يمپورت پەن ەكسپورت كولەمى 6 ميلليون 923 مىڭ تونناعا جەتىپ، وتكەن جىلدىڭ وسى كەزەڭىمەن سالىستىرعاندا 22 پايىزعا ارتقان.

بۇعان دەيىن 2025 -جىلعى 1-شىلدەدەگى ۇكىمەت قاۋلىسىمەن «قورعاس - شىعىس قاقپاسى» ارنايى ەكونوميكالىق ايماعى قۇرىلىپ، ەرەجەسى مەن نىسانالى كورسەتكىشتەرى بەكىتىلگەنىن جازعان بولاتىنبىز.

اۆتور

زارينا تۋعانبايەۆا