قورعانىس مينيسترلىگى جالعان اقپاراتقا سەنبەۋگە شاقىردى
استانا. KAZINFORM - قورعانىس مينيسترلىگى اسكەري تەحنيكانىڭ قوزعالىسىنا بايلانىستى ازاماتتاردى جالعان اقپارات تاراتۋدان اۋلاق بولۋعا جانە تەك رەسمي دەرەككوزدەرىنە سەنۋگە شاقىرادى.
8-مامىردان باستاپ جەڭىستىڭ 80 جىلدىعىنا ارنالعان اسكەري پارادقا قاتىسقان جەكە قۇرام مەن اسكەري تەحنيكانىڭ استانادان تۇراقتى ورنالاسقان جەرلەرىنە جوسپارلى تۇردە ورالۋى باستالدى.
قورعانىس مينيسترلىگى مالىمدەگەندەي اسكەري پارادقا قاتىسقان اسكەري تەحنيكانى تاسىمالداۋ تەمىرجول كولىگىمەن دە، وزدىگىمەن دە جۇزەگە اسىرىلادى. ءىس-شارالار 14-مامىردا اياقتالادى.
- تاسىمالداۋ تەمىرجول كولىگىمەن دە، ءوز جۇرىسىمەن دە جۇزەگە اسىرىلادى. ءىس-شارالار 14-مامىردا اياقتالادى دەپ جوسپارلانىپ وتىر. قورعانىس مينيسترلىگى اسكەري تەحنيكانىڭ قوزعالىسىنا بايلانىستى ازاماتتاردى جالعان اقپارات تاراتۋدان اۋلاق بولۋعا جانە تەك رەسمي دەرەككوزدەرىنە سەنۋگە شاقىرادى، - دەلىنگەن قورعانىس مينيسترلىگى حابارلاماسىندا.
ايتا كەتەلىك كەشە استانادا جەڭىستىڭ 80 جىلدىعىنا ارنالعان اسكەري پاراد وتكەن بولاتىن.