قور نارىعىندا تەڭگە ەكىنشى كۇن قاتارىنان نىعايىپ كەلەدى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى تاعى دا تومەندەدى.

KASE قور نارىعىنداعى كۇندىزگى ساۋدا قورىتىندىسى بويىنشا، 1 دوللار باعامى 478,96 تەڭگە بولىپ، كەشەگىدەن 1,46 تەڭگەگە ارزاندادى. ۇلتتىق بانكتىڭ 18-قىركۇيەكتەگى رەسمي باعامى - 1 دوللارعا 480,63 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 480,81 تەڭگەدەن ساتىلىپ جاتىر، ساتىپ الۋ باعامى - 478,99 تەڭگە. ال، ەلوردانىڭ اقشا ايىرباستاۋ پۋنكتتەرىندە دوللاردى 478,00 تەڭگەگە ساتىپ الۋعا بولادى، ساتۋ قۇنى - 481,99 تەڭگە.

كەشە دوللار باعامى باعامى 0,02 تەڭگەگە ارزانداعان بولاتىن.

اۆتور

دوسبول اتاجان