قور نارىعىندا دوللار قايتا قىمباتتادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 0,70 تەڭگەگە قىمباتتادى.

ءبىر ا ق ش دوللارىنىڭ ورتاشا باعامى - 481,22 تەڭگە.

ۇلتتىق بانكتىڭ 28-تامىزداعى رەسمي باعامى - 1 دوللارعا 480,59 تەڭگە. رەسەي ءرۋبلىنىڭ ورتاشا سارالانعان قۇنى - 5,26 تەڭگە. ەۋرو - 536,58.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 480,7 تەڭگەدەن ساتىلىپ جاتىر، ساتىپ الۋ باعامى - 482,9 تەڭگە. ەۋرو 534,5 - 539 تەڭگە ارالىعىندا ساۋدالانۋدا.

ال، استانا قالاسى بويىنشا ساتۋ باعامى - 479 تەڭگە، ساتىپ الۋ قۇنى - 483 تەڭگە. ەۋرو 533 تەڭگەدەن ساتىلىپ، 538 تەڭگەدەن ساتىپ الىنادى.

رەسەي ءرۋبلى 5,16 - 5,27 تەڭگە ارالىعىندا ساۋدالانىپ جاتىر.

ايتا كەتەيىك، 27-تامىز كۇنى ا ق ش اقشاسى 2,72 تەڭگەگە ارزانداعان بولاتىن.