قور نارىعىندا دوللار ءۇشىنشى كۇن قاتارىنان ارزانداپ جاتىر

  قور بيرجاسىنداعى (KASE) ساۋدا- ساتتىق قورىتىندىسى بويىنشا 1 دوللاردىڭ تەڭگەگە قاتىستى باعامى ارزاندادى، دەپ حابارلايدى Kazinform.

كۇندىزگى ساۋدا- ساتتىق مالىمەتىنە قاراعاندا، دوللار باعامى 0,23 تەڭگەگە تومەندەپ، 1 دوللار 455,63 تەڭگە بولدى.

ايتا كەتەيىك، ۇلتتىق بانكتىڭ 14-جەلتوقسانداعى رەسمي باعامى 1 دوللار ءۇشىن - 455,69 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 455,5 تەڭگە، ساتىپ الۋ - 457,7 تەڭگە. ال، استانا قالاسى بويىنشا ساتۋ باعامى - 456 تەڭگەدەن بولسا، ساتىپ الۋ - 457,5 تەڭگە.

الماتىدا رەسەي ءرۋبلى 5,02 - 5,12 تەڭگە ارالىعىندا، استانادا كورشى ەل ۆاليۋتاسى 5,05 - 5,15 تەڭگەگە ساۋدالانىپ جاتىر.

ايتا كەتەيىك، قور نارىعىندا دوللار ءۇشىنشى كۇن قاتارىنان ارزانداپ جاتىر.