قور نارىعىندا دوللار ءۇشىنشى كۇن قاتارىنان ارزانداپ جاتىر

الماتى. KAZINFORM - قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى ارزاندادى.

كۇندىزگى ساۋدا-ساتتىق مالىمەتىنە قاراعاندا، دوللار باعامى 0,58 تەڭگەگە تومەندەپ، 1 دوللار 449,88 تەڭگە بولدى. ۇلتتىق بانكتىڭ 23- اقپانداعى رەسمي باعامى - 1 دوللار ءۇشىن 450,47 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 450,9 تەڭگە، ساتىپ الۋ - 452,9 تەڭگە. ال، استانا قالاسى بويىنشا ساتۋ باعامى - 450 تەڭگەدەن بولسا، ساتىپ الۋ – 454.

الماتىدا رەسەي رۋبلى 4,75-4,87 تەڭگە ارالىعىندا ساۋدالانىپ جاتىر. استانادا كورشى ەل ۆاليۋتاسى 4,75- 4,85 تەڭگەدەن ساتىلۋدا.