قور نارىعىندا دوللار ارزاندادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى تومەندەدى. KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 0,44 تەڭگەگە ارزاندادى.

ءبىر ا ق ش دوللارىنىڭ ورتاشا باعامى - 519,29 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 521 تەڭگەدەن ساتىلىپ جاتىر، ساتىپ الۋ باعامى - 519 تەڭگە. ەۋرو ساتىپ الۋ باعامى – 609، ساتۋ قۇنى - 611.

ال، استانا قالاسى بويىنشا دوللاردى ساتۋ باعامى - 522 تەڭگە، ساتىپ الۋ قۇنى - 516 تەڭگە. ەۋرو 605 تەڭگەدەن ساتىپ الىنىپ، 612 تەڭگەدەن ساتىلىپ جاتىر.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 6,50-6,65 تەڭگە ارالىعىندا ساۋدالانىپ جاتىر.

ۇلتتىق بانكتىڭ 1-شىلدەگە ۇسىنعان رەسمي باعامى - ءبىر دوللارعا 519,64 تەڭگە. رەسەي رۋبلىنىڭ ورتاشا سارالانعان قۇنى - 6,62 تەڭگە. ەۋرو - 609,23

بۇعان دەيىن تيمۋر سۇلەيمەنوۆ بازالىق مولشەرلەمە كەز كەلگەن ۋاقىتتا وزگەرۋى مۇمكىن ەكەنىن ايتقان.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.