قور نارىعىندا دوللار ارزاندادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى ءتۇستى.

كۇندىزگى ساۋدا-ساتتىق مالىمەتىنە قاراعاندا، دوللار باعامى 0,36 تەڭگەگە تومەندەپ، 1 دوللار 446,72تەڭگە بولدى.

ايتا كەتەيىك، ۇلتتىق بانكتىڭ 12-اقپانداعى رەسمي باعامى - 1 دوللار ءۇشىن 447,10 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتتەرىندە دوللاردىڭ ساتۋ باعامى - 447,5 تەڭگە، ساتىپ الۋ - 449,7 تەڭگە.

ال استانا قالاسى بويىنشا ساتۋ باعامى - 447 تەڭگەدەن بولسا، ساتىپ الۋ - 451 تەڭگە.

الماتىدا رەسەي ءرۋبلى 4,91 - 4,97 تەڭگە ارالىعىندا ساۋدالانىپ جاتىر.

ال استانادا كورشى ەل ۆاليۋتاسى 4,91 - 4,95 تەڭگە.