قور نارىعىندا دوللار ارزانداپ جاتىر

الماتى. KAZINFORM - قور بيرجاسىنداعى (KASE) ساۋدا-ساتتىق قورىتىندىسى بويىنشا 1 دوللاردىڭ تەڭگەگە قاتىستى باعامى ارزاندادى.

كۇندىزگى ساۋدا-ساتتىق مالىمەتىنە قاراعاندا، دوللار باعامى 1,35 تەڭگەگە تومەندەپ، 1 دوللار 448,61 تەڭگە بولدى.

ايتا كەتەيىك، ۇلتتىق بانكتىڭ 22- قاڭتارداعى رەسمي باعامى - 1 دوللار ءۇشىن 450,04 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 448,3 تەڭگە، ساتىپ الۋ - 450,5 تەڭگە. ال، استانا قالاسى بويىنشا ساتۋ باعامى - 448 تەڭگەدەن بولسا، ساتىپ الۋ - 452 تەڭگە.

الماتىدا رەسەي ءرۋبلى 5,01-5,15 تەڭگە ارالىعىندا ساۋدالانىپ جاتىر. استانادا كورشى ەل ۆاليۋتاسى 4,95-5,1 تەڭگەدەن ساتىلۋدا.