قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 434-2-بابىنا (قوعامدىق ورىنداردى لاستاۋ) سايكەس، كوممۋنالدىق قالدىقتاردى بەلگىلەنبەگەن ورىندارعا تاستاعانى ءۇشىن اكىمشىلىك جاۋاپكەرشىلىك كوزدەلگەن.
- العاش رەت قۇقىق بۇزعان جاعدايدا 10 ا ە ك (43250 تەڭگە) مولشەرىندە ايىپپۇل سالىنادى نەمەسە 40 ساعاتقا دەيىن قوعامدىق جۇمىستارعا تارتىلادى. ءبىر جىل ىشىندە قۇقىق بۇزۋشىلىق قايتالانسا، 20 ا ە ك (86500 تەڭگە) مولشەرىندە ايىپپۇل سالىنادى نەمەسە 80 ساعاتقا دەيىن قوعامدىق جۇمىستارعا تارتىلادى، - دەپ ءتۇسىندىردى مينيسترلىك.
ۆەدومستۆو اتاپ وتكەندەي، قوقىستى ارنايى كونتەينەرگە اپارىپ تاستاۋ قوماقتى ايىپپۇل تولەۋدەن الدەقايدا وڭاي ءارى ءتيىمدى.
- بارلىق تۇرعىندى قورشاعان ورتاعا جاۋاپكەرشىلىكپەن قاراۋعا، تازالىقتى ساقتاۋعا جانە قالدىقتاردى تەك ارنايى بەلگىلەنگەن ورىندارعا تاستاۋعا شاقىرامىز، - دەپ ەسكەرتتى ەكولوگيا مينيسترلىگى.
بۇعان دەيىن قوقىسقا تاستالعان دارىلەر تابيعاتقا قالاي اسەر ەتەتىنىن جازدىق.