وبلىس ورتالىعىنىڭ باس جوسپارىنا سايكەس، 6 مىڭ ادام تۇراتىن توعىز ساياجاي القابى قالا شەكاراسىنا ەنگىزىلدى. ولاردىڭ ورنىنا كوپقاباتتى عيماراتتار سالىنادى. بۇل تۋرالى ءوڭىر باسشىسى قالا تۇرعىندارىمەن كەزدەسۋى بارىسىندا ءمالىم ەتتى، دەپ حابارلايدى Kazinform.
الماتى وبلىسىنىڭ اكىمى مارات سۇلتانعازيەۆتىڭ سوزىنشە، جوسپارعا ساي، شاھاردىڭ اۋماعى 19 مىڭ گەكتاردى قامتيدى. حالىق سانى 2050 -جىلعا قاراي 200 مىڭعا جەتەدى.
«جاقىندا جاڭا اكىمشىلىك-تۇرعىن ءۇي ورتالىعىن سالۋدى كوزدەيتىن قالانى دامىتۋدىڭ كەشەندى جوسپارى قابىلدانادى. سوعان سايكەس، 6 مىڭ ادام تۇراتىن 9 ساياجاي القابى قالا شەكاراسىنا ەنگىزىلدى. ولاردىڭ ورنىنا كوپقاباتتى عيماراتتار سالىنادى»، - دەدى مارات سۇلتانعازيەۆ.
ايماق باسشىسى وبلىستا قۇرىلىس نىساندارىن سالۋعا تالاپ كۇشەيتىلگەنىن اتاپ ءوتتى.
«مىسالى، قونايەۆتا سالىنىپ جاتقان 10 كوپقاباتتى ءۇيدىڭ جەتەۋىنىڭ جوباسى تولىقتىرۋعا جىبەرىلگەن. ولارعا قاسبەتىنە، اباتتاندىرۋعا، اۆتوتۇراققا بايلانىستى ەسكەرتۋ بەرىلدى»، - دەدى ول.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан