كاسىپكەرلەر كۇن سايىن تازالىق جۇرگىزۋگە، ساكىلەردى دەزينفەكسيالاۋعا، قوقىس جاشىكتەرى مەن جارىق ورناتۋعا، سونداي-اق قاۋىپسىزدىكتى قامتاماسىز ەتۋگە جاۋاپتى.
«6 جاعاجايدا 45 قوقىس جاشىگى، 10 كونتەينەر جانە ءۇش اجەتحانا ورناتىلعان. مۇنداعى تازالىققا 30 جۇمىسشى مەن 2 ارنايى تەحنيكا جۇمىلدىرىلعان. قاۋىپسىزدىكتى 10 نان استام قۇتقارۋشى قامتاماسىز ەتەدى، مەديتسينا قىزمەتكەرلەرى كەزەكشىلىك اتقارادى، بەينەباقىلاۋ كامەرالارى ورناتىلعان. مونيتورينگ كۇن سايىن جۇرگىزىلەدى»، - دەپ مالىمدەدى قونايەۆ قالالىق ت ۇ ك ش ءبولىمى.
5 جاعاجايدا 28 بولمەلى 6 اجەتحانا، 5 جۋىنۋ ورنى، 6 كيىم اۋىستىراتىن بولمە، 30 قوقىس جاشىگى، 40 بوشكە جانە 25 كونتەينەر قويىلعان. مۇندا جاساندى ينتەللەكتپەن جابدىقتالعان بەينەباقىلاۋ جۇيەسى جۇمىس ىستەيدى.
ءتارتىپ پەن قاۋىپسىزدىكتى قامتاماسىز ەتۋ ءۇشىن ت ج ب جانە پوليتسيا قىزمەتكەرلەرى جاعاجاي اۋماعىندا تۇراقتى تۇردە كەزەكشىلىك اتقارۋدا.
اكىمدىكتىڭ مالىمەتىنشە، كۇن سايىن 6 جاعاجايعا 4-5 مىڭ، ال 5 جاعاجايعا 1500-2000 ادام كەلەدى. دەمالىس كۇندەرى بۇل كورسەتكىش بىرنەشە ەسەگە دەيىن ارتادى.
الماتىلىق تۇرعىن مۇرات امانگەلديەۆتىڭ ايتۋىنشا، 5 جاعاجايدا دەمالۋشىلارعا بارلىق جاعداي جاسالعان.
«ءار دەمالىس سايىن وتباسىمىزبەن كەلەمىز. مۇندا تازا، قاۋىپسىز. قۇتقارۋشىلار، مەدقىزمەتكەرلەر، كيىم اۋىستىراتىن بولمەلەر بار. بالالارعا وينايتىن الاڭ بولسا دەيمىز. ەڭ باستىسى - تازالىق. قوقىستى ارنايى جاشىكتەرگە تاستاۋ - مادەنيەتتىلىكتىڭ بەلگىسى»، - دەدى ول.
سانيتاريالىق-ەپيدەميولوگيالىق باقىلاۋ باسقارماسىنىڭ باسشىسى ناريمان ورىنباسار ۇلىنىڭ ايتۋىنشا، قاپشاعاي سۋ قويماسىنان اي سايىن سۋ سىناماسى الىنىپ، زەرتحانالىق ساراپتامالار جۇرگىزىلەدى. قورىتىندىسى - قاناعاتتانارلىق، سۋ سانيتارلىق تالاپتارعا ساي كەلەدى جانە شومىلۋعا رۇقسات بەرىلگەن.
جاعاجاي ماۋسىمى باستالعالى قوعامدىق ورىنداردى لاستاعانى ءۇشىن ق ر ا ق ب ت ك 434-2-بابى بويىنشا 35 اكىمشىلىك حاتتاما تولتىرىلىپ، جالپى سوماسى 1376200 تەڭگە ايىپپۇل سالىنعان.
قالا اكىمدىگى جاعاجايلارداعى سانيتارلىق تالاپتاردىڭ ساقتالۋىنا باقىلاۋدىڭ كۇشەيگەنىن اتاپ ءوتتى. كاسىپكەرلەر كەلىسىمشارت تالاپتارىن ورىنداماعان جاعدايدا جاۋاپكەرشىلىككە تارتىلادى. سونداي-اق اكىمدىك دەمالۋشىلارعا تازالىق پەن ءتارتىپتى ساقتاۋ - ورتاق مىندەت ەكەنىن ەسكە سالدى.
ايتا كەتەيىك، قونايەۆتا جاڭا كازينولار اشىلۋى مۇمكىن.